ಕನ್ನಡ ನಲ್ಬರಹ ತಾಣ
ಬಂದೇ ಬರುವುವು ಬಂಗಾರದ
ಹೊಂಗಿರಣದ ನಾಳೆಗಳು,
ಬಣ್ಣ ಬಣ್ಣದಾ ಬದುಕನು ಬರೆಯಲು
ತೆರೆದಿದೆ ಹಾಳೆಗಳು.
ಎಲ್ಲೆಲ್ಲೂ ಹೊಗೆಯಾಡಿದೆ ನೋವೇ
ಅಳುಕದಿರಲಿ ಮನವು,
ಕಲಕದೆ ಬಾಳು ತಿಳಿವುದೆ ಹೇಳು
ಜಗದ ದುಃಖ ನೋವು?
ನಾಳೆಯ ಬಾಳಿನ ಸವಿಯನು ಕನಸದ
ಜೀವವಿಲ್ಲ ಜಗದಿ,
ಆಸೆಯ ಅಮೃತದ ಸಿಂಚನವಾಗಲು
ಕೆರೆ ಆಗದೆ ಜಲಧಿ?
ಬಂದೇ ಬರಲಿವೆ ನಾಳೆಗಳು
ಬೆಳಕಿನ ತಾರೆಗಳು,
ಬಂದೇ ಬರಲಿವೆ ನಾಳೆಗಳು
ಹೊನ್ನಿನ ತೀರಗಳು.
*****
“ಮಮ್ಮಿ ! ಮಮ್ಮಿ ! ಬೇಗ ಬಾ” “ಅಡಿಗೆ ಮಾಡುತ್ತಾ ಇದ್ದೇನೆ, ಯಾಕೆ ಕಿರಿಚಿಕೊಳ್ಳುತ್ತಾ ಇದ್ದಿಯಾ ರೋಜಿ? ಬರುತ್ತೀನಿ ತಾಳು” ಎಂದಳು ಕೆಲಸದಲ್ಲಿ ನಿರತ ತಾಯಿ. “ಮಮ್ಮಿ! ಒಂದು ನಿಮಿಷ ಬಂದು ನೋಡು, ಕಾಗೆ ಪುಟ್ಟ ಅಳಿಲನ್ನು ಕುಕ್ಕಿ ನೋವು ಮಾಡುತ್ತಾ ...
“ಭಟ್ಟರೇ, ನಿಮಗೆ ಹೇಳಲೊ? ಇಘ್ನೇಶ್ವರರಾಯರು ಅಂದರೆ ನಮ್ಮ ಜಾತಿಗೇ ಭೂಷಣ. ಅವರು ವಕೀಲಿ ಮಾಡಲು ಸುರು ಮಾಡಿದಂದಿನಿಂದ ಬೇರೆ ಜಾತಿಯವರ ಸೊಕ್ಕು ಮುರಿದಿದೆ. ಈಗ ಶೆಟ್ಟಿ ಶಾನಬೋಗರೆಲ್ಲ ಅವರಿಗೆ ರಾಯರೇ ಎಂದು ಸಲಾಮು ಮಾಡುವವರೇ! ನಿಮಗೆ ಹೇಳಲೊ? ಅದು ಒಬ್ಬೊಬ್ಬರ ಜನ್ಮಕುಂಡಲಿ ಇದ್ದ...
