ಕೂ ಕೂ ಎನುತಿದೆ ಬೆಳವಾ
ಬಂದು ಹೊಕ್ಕಿತು ಭವವೆಂಬ ದುಃಖದ ಹಳವಾ ||ಪ||
ಪುರುಷನ ಬುಟ್ಟಿಯೊಳಿಟ್ಟು ಬಹು-
ಹರುಷದಿ ಹಳ್ಳದೋಳ್ ತೇಲಾಕ ಬಿಟ್ಟು ||೧||
ತನುವೆಂಬ ಗೂಡಿನೋಳಿಟ್ಟು
ತನ್ನ ದೇಹವೆಂಬೋ ಮರದೊಳೂ ಹಾರಾಕ ಬಿಟ್ಟು ||೨||
ಆನಂದದಲಿ ನಾವಿರಲು
ಸ್ವಾನಂದದಿ ಪಕ್ಕದೊಳು ಕೆದುರುತಲಿರಲು ||೩||
ಭುವನದೊಳಗೆ ನಿಂತಿರಲು ದೇವಾ
ಶಿಶುನಾಳಧೀಶಾ ಗೋವಿಂದನ ವರವು ||೪||
*****
Latest posts by ಶಿಶುನಾಳ ಶರೀಫ್ (see all)
- ಆಶಮಾಡಿ ಪಾಶಕ ಬಿದ್ದಿತೋ ಚಿಗರಿ - April 22, 2013
- ನವಾಬಿ ಮಲ್ಲಿಗಿ ಹೂವಿನ ಗಜರಾ - April 17, 2013
- ಭೂಪಾರದೊಳಗೆ ಮದೀನಶಹರದೊಳು - April 15, 2013