ಕನ್ನಡ ನಲ್ಬರಹ ತಾಣ
ಒಂದು ಹೂವು ಇನ್ನೊಂದು ಹೂವಿನಾಳಗಲಗಳ ಕಂಡೀತೇ?
ಅದರಂದ ಮಕರಂದಗಳ ಸವಿದೀತೆ?
ಒಂದರ ಮಹತಿ ನಿಯತಿಗಳನರಿತೀತೆ?
ಅದರಾಗುಹೋಗುಗಳನಳೆದೀತೇ?
ಹಾಗೆ ಮಾಡಲು
ಬೆಳಗನೊಳಗೊಂಡ ಅರುಣೋದಯದಂತೆ,
ಮರವ ಧ್ಯಾನಿಸುತ್ತ ಕುಳಿತ ಬೀಜದಂತೆ,
ಕೂಸು ಹೀಚಾಗಬೇಕೆನಿಸುತ್ತದೆ
ಇಲ್ಲವೇ ಹಗಲುಗನಸು ಕಂಡುಂಡು
ಕೆಂಡವಾಗಿಳಿಬಿದ್ದ ಸಂಜೆಯಂತೆ
ಮಣ್ಣಿನೊಡನಾಟದಲ್ಲಿ ಕಾಲಕಳೆವ
ಒಣ ಮರದಂತೆ
ಕಾಯಿಗಾಗಿ ಕಾಯವಳಿದು
ಬಣ್ಣವಡಗಿ ಬಾಡಿ ಬಿದ್ದೆಸಳುಗಳಾಗಿರಬೇಕೆನಿಸುತ್ತದೆ
ಇವೆರಡಕ್ಕೂ ತತ್ವ-ಅನಂತ-ಜೀವಾಂತ-ವೇದಾಂತ
ಎಂದುಬಿಟ್ಟು ಪುಸ್ತಕ ಮುಚ್ಚಲಾದೀತೆ?
(೧-೧-೭೮)
*****
“ಮಮ್ಮಿ ! ಮಮ್ಮಿ ! ಬೇಗ ಬಾ” “ಅಡಿಗೆ ಮಾಡುತ್ತಾ ಇದ್ದೇನೆ, ಯಾಕೆ ಕಿರಿಚಿಕೊಳ್ಳುತ್ತಾ ಇದ್ದಿಯಾ ರೋಜಿ? ಬರುತ್ತೀನಿ ತಾಳು” ಎಂದಳು ಕೆಲಸದಲ್ಲಿ ನಿರತ ತಾಯಿ. “ಮಮ್ಮಿ! ಒಂದು ನಿಮಿಷ ಬಂದು ನೋಡು, ಕಾಗೆ ಪುಟ್ಟ ಅಳಿಲನ್ನು ಕುಕ್ಕಿ ನೋವು ಮಾಡುತ್ತಾ ...
“ಭಟ್ಟರೇ, ನಿಮಗೆ ಹೇಳಲೊ? ಇಘ್ನೇಶ್ವರರಾಯರು ಅಂದರೆ ನಮ್ಮ ಜಾತಿಗೇ ಭೂಷಣ. ಅವರು ವಕೀಲಿ ಮಾಡಲು ಸುರು ಮಾಡಿದಂದಿನಿಂದ ಬೇರೆ ಜಾತಿಯವರ ಸೊಕ್ಕು ಮುರಿದಿದೆ. ಈಗ ಶೆಟ್ಟಿ ಶಾನಬೋಗರೆಲ್ಲ ಅವರಿಗೆ ರಾಯರೇ ಎಂದು ಸಲಾಮು ಮಾಡುವವರೇ! ನಿಮಗೆ ಹೇಳಲೊ? ಅದು ಒಬ್ಬೊಬ್ಬರ ಜನ್ಮಕುಂಡಲಿ ಇದ್ದ...
