ಗೋಮತಿಯ ತೀರದಲ್ಲಿ

ತಾವರೆಯಿಲ್ಲ ತಾವರೆಯ ಎಲೆಯಿಲ್ಲ ಬೀಳುವ
ಹೂವಿಲ್ಲ ಹೂಬಿಡುವ ಮರವಿಲ್ಲ ದಾಟಿಸುವ
ಅಂಬಿಗನಿಲ್ಲ ಕಾದು ನಿಂತ ದೊಣಿಯಿಲ್ಲ

ಆಕಾಶದಲ್ಲಿ ಚಂದ್ರನಿಲ್ಲ ನಕ್ಷತ್ರಗಳಿಲ್ಲ ಬೀಸುವ
ಗಾಳಿಯಲ್ಲಿ ಹಾಡುವ ಹಕ್ಕಿಗಳಿಲ್ಲ ಪಾದ ತೊಳೆವ
ಅಲೆಗಳಲ್ಲಿ ಮುತ್ತಿಡುವ ಮೀನುಗಳಿಲ್ಲ ಆದರೂ

ಮತ್ತೇಕೆ ಇದರ ದಡದಲ್ಲಿ ಕುಳಿತಿದ್ದೇವೆ ಈ ನಿಮಿಷ
ಉತ್ಕಟವಾಗಿ ಹಿಡಿದು ನಿಲ್ಲಿಸಲೆಂದು ಅನಿಮಿಷರಾಗಿ
ಒಬ್ಬರನೊಬ್ಬರು ನೋಡುತ್ತ ಈ ಕ್ಷಣವ ನಾವು

ಬಿಟ್ಟರೆ ಇನ್ನೆಂದೂ ಅದನ್ನು ಪಡೆಯಲಾರದವರಂತೆ
ಪಡೆದರೂ ಬಯಸದವರಂತೆ ಸಕಲ ಬಯಕೆಗಳನ್ನೂ
ಮೀರಿದ ಇಚ್ಛಾಮರಣಿಗಳಂತೆ ಇಲ್ಲಿ ಇಂದು!
*****

ಕೀಲಿಕರಣ : ಎಂ ಎನ್ ಎಸ್ ರಾವ್

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ನೀನು ಯಾವ ಲೆಖ್ಖ
Next post ಅಂತರಾಳ

ಸಣ್ಣ ಕತೆ