ಅಂತರಾಳ

ಹೋಯಿತೆಲ್ಲಿ ನಿಸರ್ಗದ ದಟ್ಟ ಹಸಿರು
ಹೋದರೆಲ್ಲಿ ಪ್ರೀತಿಯೊಡಲಿನ ಅಜ್ಜ ಅಜ್ಜಿ
ಹೋದವೆಲ್ಲಿ ಸಂಭ್ರಮದ ಹಬ್ಬ ಹರಿದಿನಗಳು
ಹೋದವೆಲ್ಲಿ ಡೊಳ್ಳಾರಗಿ ಕೌದಿ ಹೊರಸು
ಸಂಬಂಧಗಳು ವಿಶ್ವಾಸಗಳು…

ಬಿಕ್ಕದರೇನೀಗ, –
ನಸುಕಿನ ಕೋಳಿಕೂಗಿಗೆ
ನಡುರಾತ್ರಿ ನಾಯಿಗಳ ಬೊಗಳುವಿಕೆಗೆ
ಪಟ ಪಟನೆ ಕಿಡಿ ಎಬ್ಬಿಸುತ
ಕಾಯಿಸಿಕೊಳ್ಳುವ ಹಿತ್ತಲಂಗಳದ
ಇಬ್ಬನಿ ನಸುಕಿನ ಚಳಿಗೆ,

ಬಿಕ್ಕಿದರೇನೀಗ, –
ಕೈ ತಟ್ಟೆಯಲಿಟ್ಟ ಬಿಸಿರೊಟ್ಟಿ
ಹೂವುಗಳುದುರದ ಹೀರೆಪಲ್ಲೆಗೆ
ಗಡಿಗೆಯ ತಾಜಾಬೆಣ್ಣೆಮಜ್ಜಿಗೆಗೆ
ತುಂಬಿದ ಬಾವಿ ಜೋಡೆತ್ತಿನ ಗಾಡಿ
ಸಾಲುಮರಗಳ ನೆರಳು, ಗಾಳಿ ಬೀಸುವ ಗರಿಗಳಿಗೆ,

ಬಿಕ್ಕಿದರೇನೀಗ, –
ತೊನೆದಾಡುವ ತುಂಬು ಹೊಲಕ್ಕೆ
ಹರಕೆಹೊತ್ತು ಹೊರಡುವ ಜಾತ್ರೆಗಳಿಗೆ
ನಲಿದಾಡುವ ಕಾಡು ಬೆಟ್ಟ ಹೊಳೆಹಳ್ಳಗಳಿಗೆ
ಕಂಬಳಿಯಲಿ ಕಾಲು ತೂರಿಸಿ ಕೇಳುವ
ದೆವ್ವಭೂತಗಳ ಕಥೆಗಳಿಗೆ,…

ಬಿಕ್ಕಿದರೇನೀಗ, –
ಅಜ್ಜಿಯ ತೋಳತೆಕ್ಕೆ ನಿದ್ರೆಗೆ
ಅಜ್ಜನ ಗರ್ಜನೆಯ ಮಾತುಗಳಿಗೆ
ದನಕರುಗಳ ಕೊರಳು ಗಂಟೆ ಗೆಜ್ಜೆಗಳಿಗೆ
ಮಣ್ಣುಗೋಡೆಯ ವಾಸನೆ ಬೆಳಕಿಂಡಿಗಳಿಗೆ
ಮಾದಲಿ ಹುರಕ್ಕಿಹೋಳಿಗೆ ಗಾರಿಗೆ
ಕರಿಗಡಬುಗಳಿಗೆ…..

ಮಹಲು ಹೊಕ್ಕು ಆರಾಮ ಖುರ್ಚಿಗೆ ಬೆನ್ನುಹಚ್ಚಿ
ಟಿ. ವಿ., ಚಾನೆಲ್‌ಗಳಲಿ ಕಣ್ಣುತೂರಿಸುತ
ಪಿಜ್ಜಾ, ಕೊಕ್‌ಗಳ ರುಚಿನೋಡುತ
ಏರ್ ಕಂಡೀಶನ್ ಕಾರಿನೊಳಗೆ ಅಡ್ಡಾಡುತ್ತಿದ್ದರೂ
ಒಮ್ಮೊಮ್ಮೆ ಒಳಗೊಳಗೆ ಬಿಕ್ಕುತ್ತಿರುತ್ತೇನೆ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಗೋಮತಿಯ ತೀರದಲ್ಲಿ
Next post ಕಾಲಚಕ್ರ

ಸಣ್ಣ ಕತೆ

  • ಮಿಂಚಿನ ದೀಪ

    ಸಂಜೆ ಮೊಗ್ಗೂಡೆದಿತ್ತು. ಆಕಾಶದ ತುಂಬೆಲ್ಲಾ ಬಣ್ಣದ ಬಾಟಲಿ ಉರುಳಿಸಿದ ಹಾಗೆ ಕೆಂಪು, ನೀಲಿ ಬಣ್ಣ ಚೆಲ್ಲಿ, ಚಳಿಗಾಲದ ಸಂಜೆಯ ಮಬ್ಬಿನ ತೆಳುಪರದೆಯ ‘ಓಡಿನಿ’ ಎಲ್ಲವನ್ನೂ ಸುತ್ತುವಂತೆ ಪಸರಿಸಿಕೊಂಡಿತ್ತು.… Read more…

  • ದೊಡ್ಡವರು

    ಬೀದಿ ಬದಿಯ ಪುಸ್ತಕದ ಅಂಗಡಿ ಪ್ರಭಾಕರನನ್ನು ಅರಿಯದವರು ಬಹಳ ವಿರಳ. ತಳ್ಳೋ ಗಾಡಿಯ ಮೇಲೆ ದೊಡ್ಡ ಟ್ರಂಕನ್ನಿಟ್ಟು ನಿಧಾನವಾಗಿ ತಳ್ಳಿಕೊಂಡು ಬರುವ ಪ್ರಭಾಕರ ಕೆನರಾ ಬ್ಯಾಂಕಿನ ರಸ್ತೆಬದಿ… Read more…

  • ಉರಿವ ಮಹಡಿಯ ಒಳಗೆ

    ಸಹ ಉದ್ಯೋಗಿಗಳ ಓಡಾಟ, ಗ್ರಾಹಕರೊಂದಿಗಿನ ಮೊಬೈಲ್ ಹಾಗೂ ದೂರವಾಣಿ ಸಂಭಾಷಣೆಗಳು, ಲ್ಯಾಪ್‌ಟಾಪಿನ ಶಬ್ದಗಳು ಎಲ್ಲಾ ಸ್ತಬ್ದವಾದಾಗಲೇ ಮಧುಕರನಿಗೆ ಕಚೇರಿಯ ಸಮಯ ಮೀರಿದ್ದು ಅರಿವಾಯಿತು. ಕುಳಿತಲ್ಲಿಂದಲೇ ತನ್ನ ಕುತ್ತಿಗೆಯನ್ನು… Read more…

  • ಕ್ಷಮೆ

    ಸುಂದರರಾಜ್ ಬೆಂಗಳೂರಿನಲ್ಲಿಯೇ ಹುಟ್ಟಿಬೆಳೆದವನು. ಹಾಗಾಗಿ ಅವನು ಕನ್ನಡ ಮಾಧ್ಯಮದಲ್ಲಿಯೇ ವಿಧ್ಯಾಭ್ಯಾಸ ಮಾಡಿ ಮುಂದೆ ಕಾಲೇಜಿನ ದಿನಗಳಲ್ಲಿ ಇಂಗ್ಲೀಷ್ ಮಾಧ್ಯಮದಲ್ಲಿ ಓದಿದ್ದ. ತನ್ನ ಮಾತೃ ಭಾಷೆಯಾದ ತಮಿಳು ಸಾಧಾರಣವಾಗಿ… Read more…

  • ಟೋಪಿ ಮಾರುತಿ

    "ಏ ಕಾಗಿ, ಕಾಳೀ ಮಗನ! ಯಾಕ ಕೂಗ್ತೀಯಾ?" ಭಾವಿಯಲ್ಲಿಯ ಹಗ್ಗ ಮೇಲೆ ಕೆಳಗೆ ಹೋಗುತ್ತಿರುತ್ತದೆ. ಒಂದು ಮೊಳ ಹಗ್ಗ ಸೇದಿದರೆ ಅರ್‍ಧ ಮೊಳ ಒಳಗೆ ಸೇರಿರುತ್ತದೆ. "ಥೂ… Read more…

cheap jordans|wholesale air max|wholesale jordans|wholesale jewelry|wholesale jerseys