ಯಾರೋ ಒಬ್ಬ ಸನ್ಯಾಸಿ ಶಾಮಣ್ಣನ ಮನೆಗೆ ಬಂದು ಶಾಸ್ತ್ರ ಹೇಳುತ್ತಾ, ನಾನು ಹೇಳಿದ ಹಾಗೆ ಮಾಡಿದರೆ ನಿಮ್ಮಲ್ಲಿರುವ ಸಂಪತ್ತು (ಒಡವೆ ಆಸ್ತಿ ಇತ್ಯಾದಿ) ದ್ವಿಗುಣವಾಗುತ್ತದೆ.” ಎಂದ ಶಾಮಣ್ಣ ದಂಪತಿಗಳಿಗೆ ಖುಷಿ ಆಯಿತು ನೀವು ಹೇಳಿದ ಹಾಗೆ ಮಾಡುತ್ತೇವೆ ಹೇಳಿ ಅಂದರು.
ಎರಡು ನಿಂಬೆಹಣ್ಣುಗಳನ್ನು ತನ್ನಿರಿ, ನಿಮ್ಮ ಮನೆ ಒಡವೆಗಳನ್ನೆಲ್ಲಾ ಒಂದು ಗಂಟಿನಲ್ಲಿ ಭದ್ರವಾಗಿ ಕಟ್ಟಿಡಿ, ಒಂದು ನಿಂಬೆಹಣ್ಣು ಕತ್ತರಿಸಿ ಗಂಟಿಗೆ ಕಟ್ಟಿರಿ; ಇನ್ನೊಂದನ್ನು ಮುಖ್ಯ ಬಾಗಿಲಿಗೆ ಕಟ್ಟಿರಿ ಆಮೇಲೆ ಅದರ ವೈಭವ ನೀವೇ ನೋಡುವಿರಿ ಎಂದು ಹೇಳುತ್ತಾ ಭಾರಿ ದಕ್ಷಿಣೆಯನ್ನು ಪಡೆದು ಜಾಗ ಖಾಲಿ ಮಾಡಿದ.
ಕೆಲವು ತಿಂಗಳುಗಳೇ ಕಳೆದವು ಒಡವೆ ಸಂಪತ್ತು ದ್ವಿಗುಣವಾಗಲಿಲ್ಲ.ಸನ್ಯಾಸಿ ಇದ್ದ ಜಾಗವನ್ನು ಪತ್ತೆಮಾಡಿ ಅವನ ಬಳಿ ಹೋಗಿ ಀತಾವು ಹೇಳಿದ್ದು ಸತ್ಯವಾಗಲಿಲ್ಲಀ ಎಂದ. “ಓಹ್ ನೀವು ಗಂಟಿಗೆ ಕಟ್ಟಬೇಕಾದ ನಿಂಬೆಹಣ್ಣು ಬಾಗಿಲಲ್ಲಿ ಕಟ್ಟಿದಿರಿ ಬಾಗಿಲಲ್ಲಿ ಕಟ್ಟಿದ್ದ ಹಣ್ಣು ಗಂಟಿಗೆ ಕಟ್ಟ ಬೇಕಾಗಿತ್ತು ಅದಕ್ಕೆ ಫಲಕಾರಿಯಾಗಲಿಲ್ಲ” ಎಂದ.
***
