ಜೀವನ ಝರಿಯಲ್ಲಿ ಜಾರುತಿಹೆ ನಾನು
ಭಾವರಸ ಸುಪ್ತಿಯಲಿ ಸಂದು,
ಮನಸಿಜನ ಮರೆಯಲ್ಲಿ, ಸುಳಿಗಾಳಿ ತೆರೆಯಲ್ಲಿ
ತೂರುತಿಹೆ ಸಾದರದ ಸವಿಯನೆಣಿಸಿ,
ಪ್ರೇಮಮಯ ಪಾವನದಿ ಮೂಡುವಲಿ ಭಾನು,
ಬಾಗಿರುವೆ ಮೈದೋರಿ ಬಕುತಿ ತೋರಿ,
ಅಭ್ಯುದಯ ಸಂಪತ್ತು, ಹುಮ್ಮಸದ ಹುರುಪಲ್ಲಿ,
ಹೂಡಿರುವೆ ಲಹರಿಯಲಿ ನಲ್ಮೆಯಿಂದ;
ವೇಗದಲಿ ಸಾಗಿರುವೆ, ಭಾವನೆಯ ಭುವಿಯಲ್ಲಿ
ಧೈಯಮಯ ದೂರ ನೆನಸಿ,
ಮೇಘಮಯ ಮುಗಿಲಲ್ಲಿ ಮಿನುಗುತಿಹ ಚುಕ್ಕಿ,
ರಾಳದಲಿ ರಶ್ಮಿಯಲಿ ಬಳಗುತಿರೆ ನಕ್ಕಿ;
ಹುಮ್ಮಸದ ಹುರುಪಲ್ಲಿ ಹಾರುವಲಿ ನಾನು
ಕೃಪೆತೋರಿ ಜ್ಯೋತಿಸಿತು ಮಬ್ಬು ಮುಕ್ಕಿ.
*****
