ಕುಲೀನ ಯುವತಿಯ ಎರಡನೆ ಹಾಡು

ಮೂಲ: ವಿಲಿಯಂ ಬಟ್ಲರ್ ಏಟ್ಸ್

ನಿನ್ನ ಕಾಲ್ಗಳ ನಡುವೆ ಮಲಗಲು
ಎಂಥ ವ್ಯಕ್ತಿಯು ಬರುವನು?
ಇರಲಿ ಬಿಡು ಯಾರಾದರೇನು?
ನಾವು ಕೇವಲ ಸ್ತ್ರೀಯರು.
ಮಿಂದು ಬಾ, ಲೇಪಿಸಿಕೊ ಪರಿಮಳ
ಗೂಡುಗಳಲಿವೆ ಅತ್ತರು,
ತಳೆದೆ ಹೊದಿಕೆಗೆ ಎತ್ತಲೂ.
ದೇವರೇ ಕ್ಷಮಿಸೆಮ್ಮನು.

ಮೈಯೆ ಇಲ್ಲವೊ ಎಂಬ ತರದಲಿ
ಪ್ರೀತಿಸುವ ನನ್ನಾತ್ಮವ,
ಆತ್ಮದೆಡೆ ತಡೆ ಇರದೆ ಉಣ್ಣುವ
ಅವನು ನಿನ್ನೀ ದೇಹವ.
ಪ್ರೇಮ ಎರಡೂ ರೀತಿಗೊಲಿದೂ
ತೆರೆವುದೊಂದೇ ಅರ್‍ಥವ.
ದೇವರೇ ಕ್ಷಮಿಸೆಮ್ಮನು.

ಆತ್ಮ ಕಲಿಯಲೆಬೇಕು ನನ್ನೀ
ಹೃದಯಕೊಗ್ಗುವ ಪ್ರೇಮವ,
ಅಂಗಗಳು ಕಲಿಯುವುವು ಮೃಗಗಳ
ಮೈಗೆ ಒಗ್ಗುವ ಕಾಮವ;
ಕಾಣುವಾತ್ಮವೊ, ಮಿಡಿವ ದೇಹವೊ
ಹೇಳು ಯಾವುದು ಉತ್ತಮ?
ದೇವರೇ ಕ್ಷಮಿಸೆಮ್ಮನು
*****