ಬರಹ

ದೇವಾ ನಿನಗೊಂದು ಕೋರಿಕೆ
ಮಾಡದಿರು ನನ್ನ ಬದುಕು ತೋರಿಕೆ
ಹೃದಯದಲಿ ಅರಳಲಿ ಜ್ಞಾನ
ಆ ಜ್ಞಾನದಲ್ಲಿ ಬೆಳಗಲಿ ದಿವ್ಯ ಧ್ಯಾನ

ಈ ವಿಶಾಲ ಲೋಕದಲ್ಲೂ ನಾ
ನಿನ್ನ ಕೃಪೆಯಿಲ್ಲದೆ ತಬ್ಬಲಿ
ನನ್ನವರೆಂಬುವವರೆಲ್ಲ ಇಲ್ಲಿ
ಹುಟ್ಟು ಸಾವಿನ ಮಾತ್ರ ಮಧ್ಯದಲಿ

ಓ ಪ್ರವಾದಿ ಮಹಾನ ಸಂತರೆ
ಎನ್ನ ಮುನ್ನಡೆಸಿ ಕಾಪಾಡಿ
ನಿಮ್ಮ ದಾರಿಯಲಿ ನಡೆದ ನನಗೆ
ಆಶೀರ್‍ವದಿಸಿ ಹರೆಸಿ ಹಾಡಿ

ಸ್ವಾರ್‍ಥ ಬಾಳಿನಲ್ಲಿಗ ಮನವು ನಿಲ್ಲದು
ರಾಮಾ ನಿಮ್ಮ ನೆನಪೆ ಕಾಡುವುದು
ಕಷ್ಟ ಸುಖ ರಂಜನೆಗಳಲ್ಲೂ
ದೇವಾ ನಿನ್ನ ಸ್ಮರಣೆ ಮಾಡುವುದು

ಹರಿದು ಹೋಗುತ್ತಿವೆ ಕಂಗಳ ನೀರು
ನಿಮ್ಮ ರೂಪ ದರುಶನಕ್ಕೆ ಈ ವಿರಹ
ಎನ್ನ ಚಿತ್ತದಲ್ಲಿಲ್ಲ ಕಿಮಚಿತ್ತು ಪಾಪ
ಮಾಣಿಕ್ಯ ವಿಠಲನಿಗೆ ಭಕ್ತಿ ಬರಹ
*****