ಒಂದೆರಡು ಮಾಸಿದ ಬಳೆಗಳು

ಹತ್ತಾರು ರೂಪಾಯಿಗೆ ಸಿಗುವ ಇವು
ಸೀದಾ ಸಾದಾ ಬಳೆಗಳು
ಬರಿಯ ಬಳೆ ತೊಟ್ಟ ಕೈಗಳಲ್ಲಿ
ದೇವ ದೇವಿಯರ ಕೂಡ ಯಕ್ಷ, ವಾನರರೂ
ಹೇಗೆಲ್ಲಾ ಗಟ್ಟಿಗೊಳುತ್ತಾರೆ.

ನೀರೆತ್ತುವ ಅದೇ ಕೈಗಳು
ನೀರುಕ್ಕಿಸಿದವು, ನೀರು ಬಸಿದವು ಕೂಡ
ಬಾನಿಗೆ ಹೋಯ್ದ ನೀರಲ್ಲಿ ಪಕ್ಕನೆ
ಆ ಕೈ ದರ್ಶನವಾಗುತ್ತದೆ.

ಕೈಯೂಡಿದ ನೀರಲ್ಲದ್ದಿದ ಅಕ್ಕಿ
ಅನ್ನವಾಗಿ ಹದವಾಗಿ
ಪರಾತಕ್ಕೆ ಹರಡಿಕೊಂಡಷ್ಟು
ಹಸಿದ ಜೀವ ಸಂತೃಪ್ತ
ರೋಮಾಂಚನಗೊಳ್ಳುತ್ತದೆ ಕೈ.

ಸಂತೆ ಬದುಕಿನ ವ್ಯವಹಾರಗಳಲ್ಲೆಲ್ಲಾ
ಎಷ್ಟೊಂದು ಬಿಂಕದ ಹೊದಿಕೆ
ಬಳೆ ಹೊತ್ತ ಕೈಗಳು ತೂಗಿ ಕೊಡುವ
ತರಕಾರಿಗಳು ವಿಕ್ರಯಗೊಂಡಷ್ಟು
ದುಡ್ಡೆಣಿಸುವ ಕೈಗಳು ತೋಳೆರಿಸಿಕೊಳ್ಳುತ್ತವೆ.

ತೊಟ್ಟಿಲನ್ನು ತೂಗುವ ಆ ಕೈಗಳು
ಮುದಗೊಳ್ಳುತ್ತ ಮಲ್ಲಿಗೆ ಪೋಣಿಸುವುದು
ಮಾಲೆ ಮಾಲೆ ಹೂಗಳ ಕಟ್ಟುತ್ತ
ಕೈಯೇ ಹೂವಾಗುವುದು.

ಬಿಂಕ ಬಿನ್ನಾಣ ಮರೆತ
ಒನಪು ವೈಯಾರಗಳ
ಹಂಗು ಬದಿಗಿಟ್ಟ ಬಿರಿದ
ಭೂಮಿ ತೂಕದ ಹೆಣ್ಣು
ಜಡ್ಡುಗಟ್ಟಿದ ಕೈಗಳು ಮತ್ತು
ಒಂದೆರಡು ಮಾಸಿದ ಬಳೆಗಳು
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಇತ್ಯಾದಿ ಏನಿಲ್ಲ… ಪ್ರೀತಿಯಷ್ಟೆ! – ೮
Next post ಮುಸ್ಸಂಜೆಯ ಮಿಂಚು – ೬

ಸಣ್ಣ ಕತೆ

  • ಕರಿಗಾಲಿನ ಗಿರಿರಾಯರು

    ಪ್ರಜಾಪೀಡಕನಾದ ಮೈಸೂರಿನ ಟೀಪೂ ಸುಲ್ತಾನನನ್ನು ಶ್ರೀರಂಗ ಪಟ್ಟಣದ ಯುದ್ಧದಲ್ಲಿ ಕೊಂದು ಅವನ ರಾಜ್ಯವನ್ನು ಇಂಗ್ಲಿಶ್ ಸರಕಾರ ದವರು ತಮ್ಮ ವಶಕ್ಕೆ ತೆಗೆದುಕೊಂಡ ಕಾಲಕ್ಕೆ, ಉತ್ತರಕರ್ನಾಟಕದ ನಿವಾಸಿಗಳಾದ ಅನೇಕ… Read more…

  • ದೇವರೇ ಪಾರುಮಾಡಿದಿ ಕಂಡಿಯಾ

    "Life is as tedious as a twice-told tale" ಧಾರವಾಡದ ಶಾಖೆಯೊಂದಕ್ಕೆ ಸಪ್ತಾಪುರವೆಂಬ ಹೆಸರು, ದೂರ ದೂರಾಗಿ ಕಟ್ಟಿರುವ ಆ ಗ್ರಾಮದ ಮನೆಗಳಲ್ಲಿ ಒಂದು ಮನೆಯು… Read more…

  • ನಿಂಗನ ನಂಬಿಗೆ

    ಹೊಸಳ್ಳಿ ನೋಡುವದಕ್ಕೆ ಸಣ್ಣದಾದರೂ ಕಣ್ಣಿಗೆ ಅಂದವಾಗಿದೆ. ಬೆಳವಲ ನಾಡಿನಲ್ಲಿ ಬರಿ ಬಯಲೆಂದು ಟೀಕೆ ಮಾಡುವವರಿಗೆ ಹೊಸಳ್ಳಿ ಕೂಗಿ ಹೇಳುತ್ತಿದೆ - ತಾನು ಮಲೆನಾಡ ಮಗಳೆಂದು ! ಊರ… Read more…

  • ಸ್ನೇಹಲತಾ

    ೧೫-೯-೧೯.. ಈಗ ಮನಸ್ಸಿಗೆ ನೆಮ್ಮದಿಯೆನಿಸುತ್ತಿದೆ. ಇಂದಿನಿಂದ ಮತ್ತೆ ನನ್ನ ದಿನಚರಿ ಬರೆಯುವ ಕಾರ್ಯಕ್ರಮವನ್ನು ಆರಂಭಿಸಬೇಕು. ದಿನಚರಿಯೆ ನನ್ನ ಸಹಧರ್ಮಿಣಿ; ನನ್ನ ಸಹ-ಸಂಚಾರಿ; ಅದೆ ನನಗೆ ಸಂತಸ ಕೊಡುವುದು.… Read more…

  • ನಿರಾಳ

    ಮಂಗಳೂರಿನ ಟೌನ್‌ಹಾಲಿನ ಪಕ್ಕದಲ್ಲಿರುವ ನೆಹರೂ ಮೈದಾನಿನ ಮೂಲೆಯ ಕಲ್ಲು ಬೆಂಚಿನ ಮೇಲೆ ಕುಳಿತ ಪುರಂದರ ಹಸಿವೆಯನ್ನು ತಡೆಯಲಾರದೆ ತಳಮಳಿಸುತ್ತಿದ್ದ. ಜೇಬಿಗೆ ಕೈ ಹಾಕಿ ನೋಡಿದ. ಬರೇ ಇಪ್ಪತ್ತೇಳು… Read more…