ಐಸುರ ಮೋರುಮ ದಸರೆಕ ||ಪ.||
ವಾಸುಮತಿಯು ಆಡಿದವು ಅಲಾವಿಯ
ಮಹಾಶಕ್ತಿ ಪೂಜಿಸ್ಯಾಡುತ ||ಅ.ಪ||
ಜಾರತ ಕರ್ಮದ ವಾರಕ್ಕ
ಸಾರುತಿಹುದು ಸರ್ವರಿಗೆ ವಿಲಾಸದಿ
ಮೂರು ತಾರಕಿ ಕಿರಣದೊಳಗೆ ||೧||
ಭಾರತ ಪುರಾಣ ಪಸರಕ್ಕೆ
ಪಾರಾದಿತು ಪರತೋಷ ಕತ್ತಲದಿನ
ಪೀರ ಪೈಗಂಬರ ಮಾರನೋಮಿ ||೨||
ಹೀಗಾಯ್ತೋ ಕರ್ಬಲ ಸರಸಕ್ಕ
ಆಗ ಮೋದಲು ನೋಡುವದು ಕಿತಾಬದಿ
ಶೀಗಿಹುಣ್ಣಿವಿಗಿದು ಶೀಘ್ರದಿಂದ ||೩||
ಬನ್ನಿಯ ಗಿಡದೊಳು ರನ್ನದಿ
ತನ್ನ ಶರಗಳಿಟ್ಟಂಥ ಧನಂಜಯ
ಮನ್ನಿಸಿ ಯಮನಾ ತೀರದೊಳಗೆ ||೪||
ಹದಿನೆಂಟು ಜಾತಿಯ ಸದನಕ್ಕ
ನಜರಿಟ್ಟು ನಿಜ ಜ್ಞಾನದಿ ನೋಡಿಕೋ
ಕದನಹಚ್ಚಿ ಕಡಿದಾಡುವದಿದು ||೫||
ಕಾತೂನರಾತ್ಮ ಜನಿಸರಕ್ಕ
ಭೂತಳದಲಿ ಶಿಶುನಾಳ ಶಾಹಿರತ್
ನೀ ತಿಳಿ ಕವಿತಾನಂದ ಕಲಿಗೆ ||೬||
*****
