ಐಸುರ ಮೋರುಮದಾಟ
ಹೇಸಿ ತಗಿ ನಿನ್ನ ಪಾಠ ||ಪ||
ಒಂದು ಬೀಜ ಅಕ್ಷರವನರಿಯದೆ
ಮಂದಿಯೊಳು ಬಹು ಜಾಣನೆನಸಿ
ನಿಂದೆಗುಣ ನಿಜಾತ್ಮನರಿಯದೆ
ಹಂದಿ ಜಲ್ಮಕೆ ಬಿದ್ದಿ ತಮ್ಮಾ ||೧||
ಕತ್ತಲ ಶಹಾದತ್ತು ಹ್ಯಾಂಗೋ
ಛೇ ಮತಿಹೀನ ಹೋಗೋ
ಪಥಕೆ ಮುಟ್ಟದ ಶಾಸ್ತ್ರಕವಿಗಳು
ನೆನಸಿದರೆ ಫಲವೇನು ಇದರೊಳು
ಗತಿಗೆ ಹೊಂದದ ಗರ್ವ ಯಾತಕ
ಆತಿ ನಯದಿ ಮಾತಾಡಬೇಡ ||೨||
ಶಿಶುನಾಳಧೀಶನ ಕವಿಯ ನೋಡಿ
ಬಂದು ಆಡೋ ಅಲಾವಿ
ವಸುಧಿಯೊಳು ಬಹು ಜಾಣನೆನಸಿ
ಹೊಸ ರಿವಾಯತ ಹೇಳೋ ಎಣಸಿ
ಹಸನವಲ್ಲದು ಬ್ಯಾಡ ನಡಿ ನಡಿ
ಕಲಿಯುಗದೊಳಗಾದೆಯೋ ಹೇಸಿ ||೩||
*****