ಕನ್ನಡ ನಲ್ಬರಹ ತಾಣ
ತಡೆಯದಿರೆ ಮನವ
ಮನದಾ ಭಾವನೆಯಾ
ಭಾವದೆಳೆಯ ಬೆರೆತ ನೋವು
ಕಣ್ಣ ನೀರಂಚಲಿ ಸೆರೆಯಾಗಿದೆ||
ಬೆರೆತಂಥ ಸ್ಪಂದನ
ಜೀವನದಿಯಾಗಿ ಸೇರುತಲಿ
ದೋಣಿಯ ಕಾಣದೆ ದಡವ
ಸೇರದೆ ಇನಿಯಾ ಕಾದಿಹೆ||
ಮನದಾಸೆ ಮಾಗಿ
ಋತುರಂಗಿನ ಬಾನಾಡಿಯಾಗಿ
ಬಾನಲ್ಲಿ ಹಾರುತ ದೂರ
ಕೂಗಿ ಕರೆಯಿತು ನಿನ್ನನೇ||
ಬರಡಾಗಿದೆ ಮನವು
ಚೈತ್ರ ಬಂದ ದಿನವು
ಮೌನ ತಾಳಿದೆ ವಸಂತ
ನೀನು ಬಾರದೆ ಹೃದಯ ತುಡಿದಿದೆ||
*****
“ಮಮ್ಮಿ ! ಮಮ್ಮಿ ! ಬೇಗ ಬಾ” “ಅಡಿಗೆ ಮಾಡುತ್ತಾ ಇದ್ದೇನೆ, ಯಾಕೆ ಕಿರಿಚಿಕೊಳ್ಳುತ್ತಾ ಇದ್ದಿಯಾ ರೋಜಿ? ಬರುತ್ತೀನಿ ತಾಳು” ಎಂದಳು ಕೆಲಸದಲ್ಲಿ ನಿರತ ತಾಯಿ. “ಮಮ್ಮಿ! ಒಂದು ನಿಮಿಷ ಬಂದು ನೋಡು, ಕಾಗೆ ಪುಟ್ಟ ಅಳಿಲನ್ನು ಕುಕ್ಕಿ ನೋವು ಮಾಡುತ್ತಾ ...
“ಭಟ್ಟರೇ, ನಿಮಗೆ ಹೇಳಲೊ? ಇಘ್ನೇಶ್ವರರಾಯರು ಅಂದರೆ ನಮ್ಮ ಜಾತಿಗೇ ಭೂಷಣ. ಅವರು ವಕೀಲಿ ಮಾಡಲು ಸುರು ಮಾಡಿದಂದಿನಿಂದ ಬೇರೆ ಜಾತಿಯವರ ಸೊಕ್ಕು ಮುರಿದಿದೆ. ಈಗ ಶೆಟ್ಟಿ ಶಾನಬೋಗರೆಲ್ಲ ಅವರಿಗೆ ರಾಯರೇ ಎಂದು ಸಲಾಮು ಮಾಡುವವರೇ! ನಿಮಗೆ ಹೇಳಲೊ? ಅದು ಒಬ್ಬೊಬ್ಬರ ಜನ್ಮಕುಂಡಲಿ ಇದ್ದ...
