Home / ಕವನ / ಕವಿತೆ / ಗುಬ್ಬಿ

ಗುಬ್ಬಿ

ಗುಬ್ಬೀ ಗುಬ್ಬೀ ತರವಲ್ಲ
ಮನೆ ಇದು ನನ್ನದು ನಿನದಲ್ಲ
ಕಿಚಿಕಿಚಿ ಎಂಬೆಯ ಬಂದಿಲ್ಲಿ
ಬಯಲಿದೆ ಹೊರಗಡೆ ಸಾಯಲ್ಲಿ

ಜಂತೆಯ ಸಂದೇ ಮನೆಯಾಯ್ತು
ಕಾಪುರವೇನೊ ಘನವಾಯ್ತು
ನಿನ್ನೀ ವಲ್ಲಡಿ ಜೋರಾಯ್ತು
ಮೂಡಿದ ಭಾವವು ಹಾಳಾಯ್ತು

ಹುಶ್, ಎಲೆ ಗುಬ್ಬೀ! ಎಚ್ಚರಿಕೆ!
ಸಪ್ಪುಳ ಮಾಡದೆ ಇರು ಜೋಕೆ!
ಕತ್ತರಿಸಿಡುವೆನು ನಿನ್ನ ರೆಕ್ಕೆ
ಕಳುಹುವೆ ನೋಡಿಕೊ ಮಸಣಕ್ಕೆ

ಅಲ್ಲಿಂದಿಲ್ಲಿಗೆ ಹಾರದಿರು
ಗೆಳೆಯರ ಗುಂಪನು ಕರೆಯದಿರು
ಕಡ್ಡೀ ಕಸವನು ಕೆಡಹದಿರು
ಸುಮ್ಮನೆ ಕುಳಿತಿರು ನೋಡುತಿರು

ಪಿಳಿಪಿಳಿ ಕಣ್ಣನು ಬಡಿಯದಿರು
ಪಟಪಟ ಪುಕ್ಕವ ಹೊಡೆಯದಿರು
ಕಟಕಟ ಧಾನ್ಯವ ಕೊಟುಕದಿರು
ಸುಮ್ಮನೆ ಕುಳಿತಿರು ನೋಡುತಿರು

ಬುಡಬುಡು ಮುಂದಕೆ ನಡೆಯದಿರು
ಗುಟುಗುಟು ಹನಿಯನು ಕುಡಿಯದಿರು
ಫಕ್ಕನೆ ಹಿಂದಕೆ ತಿರುಗದಿರು
ಸುಮ್ಮನೆ ಕುಳಿತಿರು ನೋಡುತಿರು

ಎಡಕೂ ಬಲಕು ತಿರುಗದಿರು
ಕತ್ತನು ನಿಮಿರಿಸಿ ಕುಕ್ಕದಿರು
ಕಾಳನು ಮಕ್ಕಳಿಗಿಕ್ಕದಿರು
ಸುಮ್ಮನೆ ಕುಳಿತಿರು ನೋಡುತಿರು

ಅರಿಯನೊ ಬೊಮ್ಮನು ಕೆಲಸವನು
ಈ ಕಿರಿ ಗುಬ್ಬಿಯ ಸೃಜಿಸಿಹನು
ಏನೋ ಸಿಂಗರ ತುಂಬಿಹನು
ಎನ್ನನು ಮಂಗನ ಮಾಡಿಹನು

ನಡೆಯಲೆ ಗುಬ್ಬೀ ಸಾಕಿನ್ನು
ಎದ್ದರೆ ನೋಡಿಕೊ ಗುದ್ದುವೆನು
ತಿಳಿಯದೆ ಮೆರೆಯುವೆ ನೀನಿನ್ನೂ
ಜನಕಜೆ ಚೆಚ್ಚುವಳೆಂಬುದನು
*****

Tagged:

Leave a Reply

Your email address will not be published. Required fields are marked *

ಹೆರಿಗೆ ನೋವಿನಿಂದ ಸಂಕಟಪಡುತ್ತಿದ್ದ ಹೆಂಡತಿ ಗಂಗಾಳನ್ನು ಆಸ್ಪತ್ರೆಗೆ ಚಿಕ್ಕಣ್ಣ ಕರೆದುಕೊಂಡು ಬಂದಾಗ ಔಟ್ ಪೇಶಂಟ್ ವಿಭಾಗ ಗಿಜಿಗುಟ್ಟುತ್ತಿತ್ತು. ಗುಂಪುಕಟ್ಟಿ ನಿಂತಿದ್ದ ಮಹಿಳೆಯರ ಸಾಲನ್ನು ಛೇಧಿಸಿಕೊಂಡು ವೈದ್ಯರ ಮೇಜಿನ ಬಳಿ ಬಂದು ನಿಂತ ಅವನ ತೋಳುಗಳಲ್ಲಿ ಎರಡೂವರೆ ವರ್ಷದ ಮಗುವ...

ನಾಡಿಗೆ ಸ್ವಾತಂತ್ರ ಬಂದಿದೆ. ಎಲ್ಲೆಲ್ಲೂ ಸ್ವೈರಾಚಾರ ಹೆಚ್ಚಿದೆ. ಸ್ವಾತಂತ್ರವೆಂದರೆ ಸ್ವೇಚ್ಛಾಚಾರ ಎನ್ನುವಂತೆ ನಾಡಿನ ಜನ ವರ್ತಿಸುತ್ತಿದೆ; ಬಹುದಿನದ ಸಾಧನೆಯಿಂದ ಪಡೆದ ಸಿದ್ದಿಯನ್ನು ಮಣ್ಣುಗೂಡಿಸುತ್ತಲಿದೆ. ಇದನ್ನು ತಡೆಯಲಿಕ್ಕೆ ಭಾರತದ “ಹಳ್ಳಿ-ಹಳ್ಳಿಗಳಲ್ಲಿಯೂ ಗ್ರಾಮ ಸುರಕ್ಷಕ...

“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್‍ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...

“ಭೀಮಾ ಮಾಸ್ತರರನ್ನು ಇಷ್ಟ ಮೋಟರ ಸ್ಟಾಂಡಿನ ತನಕ ಕಳಿಸಿ ಬಾರಪ್ಪಾ.” ಬಾಯಕ್ಕ ನೆರೆಮನೆಯವರ ಆಳಿಗೆ ವಿನಯದಿಂದ ಹೇಳಿ ನನ್ನ ಕಡೆಗೆ ಹೊರಳಿ ಅಂದಳು: “ಬಿಡಿರಿ, ನಿಮ್ಮ ಬ್ಯಾಗ ತಗೊಂಡ ಬರತಾನ ಭೀಮಾ” “ಯಾತಕ್ಕ? ನಾ ಕೈಯೊಳಗ ಸಹಜ ಒಯ್ಯತೇನೆ” ನಾನು ಹೀಗೆ ಹೇಳಿದೆನಾದರೂ ಭೀಮಪ್...

ಸಿಗರೆಟ್‌ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್‌ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್‍ಥಮಾಡಿ ಕೊಳ್ಳು...