‘ಸಾರ್ಸ್’ ಎಂಬ ಸಾಂಕ್ರಾಮಿಕ ಮಾರಕ ರೋಗಕ್ಕೆ ಮದ್ದಿಲ್ಲ ಎಂಬ ಮಾತು ಇನ್ನು ಕೇಳುವಂತಿಲ್ಲ. ಚೀನಾದ ವಿಜ್ಞಾನಿಗಳು ಕೊನೆಗೂ ಸಾರ್ಸ್ಗೆ ಲಸಿಕೆ ಕಂಡು ಹಿಡಿಯುವಲ್ಲಿ ಸಫಲರಾಗಿದ್ದಾರೆ. ಈ ಲಸಿಕೆಯನ್ನು ಬೀಜಿಂಗ್ನ ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯ ಮತ್ತು ಸೈನೊವಾಕ್ ಬಯೋಟೆಕ್ ಸಂಸ್ಥೆಯ ಜಂಟಿ ಆಶ್ರಯದಲ್ಲಿ ಅಭಿವೃದ್ಧಿಪಡಿಸಲಾಗಿದ್ದು ಪ್ರಸುತ್ತ ೪ ವಿ. ವಿ. ಗಳ ೩೬ ಸ್ವಯಂ ಸೇವಕರ ಮೇಲೆ ಪರೀಕ್ಷಾಪ್ರಯೋಗ ನಡೆಸಲಾಗುತ್ತದೆ. ಇಲ್ಲಿನ ಸೈನೋ ಜಪಾನ್ ಫ್ರೆಂಡ್ಶಿಪ್ ಆಸ್ಪತ್ರೆಯಲ್ಲಿ ಮೂರು ಪುರುಷರು ಮತ್ತು ಮಹಿಳೆಯರ ಮೇಲೆ ನಡೆಸಲಾದ ಪ್ಪಯೋಗದಲ್ಲಿ ಸಾರ್ಸ್ ಮೃತ ವೈರಾಣುಗಳುಳ್ಳ ಚುಚ್ಚು ಮದ್ದನ್ನು ದೇಹಕ್ಕೆ ನೀಡಿ ಸಾರ್ಸ್ ವಿರುದ್ಧ ಹೋರಾಡಲು ಸಾಧ್ಯವಾಗುವಂತೆ ವ್ಯಕ್ತಿಗಳಲ್ಲಿ ರೋಗನಿರೋಧಕ ಸಾಮರ್ಥ್ಯವನ್ನು ಹೆಚ್ಚಿಸಲಾಗಿದೆ. ಆದರೆ ಲಸಿಕೆ ಮಾರುಕಟ್ಟೆಗೆ ಬಿಡುಗಡೆಯಾಗಬೇಕಾದರೆ ಇನ್ನು ಒಂದೆರಡು ವರ್ಷ ಕಾಯಬೇಕಾಗುತ್ತದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯು ಹೇಳಿದೆ ಈ ಲಸಿಕೆಯನ್ನು ಮೊದಲು ಸಾರ್ಸ್ ಸೋಂಕಿರುವ ರೇಸಾರ್ಸ್ ಮಂಗಗಳ ಮೇಲೆ ಪ್ರಯೋಗ ಮಾಡಲಾಗಿತ್ತು ಇದರಿಂದ ಯಾವುದೇ ಅಡ್ಡಪರಿಣಾಮಗಳು ಉಂಟಾಗದಿರುವ ಹಿನ್ನೆಲೆಯಲ್ಲಿ ಮನುಷ್ಯರ ಮೇಲೆ ಪ್ಪಯೋಗಿಸಲಾಯಿತೆಂದು ವಿಜ್ಞಾನಿಗಳು ಹೇಳುತ್ತಾರೆ.
*****
