ಕೌತುಕದ ಕಣ್ಣ ಮಿಂಚಿನಿಂದ

ಹೀಗೇ
ನಡೆಯುತ್ತಾ ನಡೆಯುತ್ತಾ
ಅರ್ಧದಲ್ಲೇ ಥಟ್ಟನೆ
ಎಲ್ಲ ನಿಂತು

ಗಾಳಿ ಸ್ತಬ್ಧ
ನೀರು – ಬೇರು ಸ್ತಬ್ಧ
ಜೀವ – ಜೀವನವೇ ಸ್ತಬ್ಧ!

ಎಲ್ಲ ಗಮ್ಮತ್ತುಗಳೂ
ಮೈ ಮುದುರಿ
ಕೌದಿ ಹೊದ್ದು ತೆಪ್ಪಗೆ
ಮಲಗಿಬಿಟ್ಟಿವೆಯೇ?

ಮದಿರೆಯ
ಬಟ್ಟಲೂ ಖಾಲಿ
ನಶೆಯೂ ಇಳಿದು
ಗಂಟೆಗಳೇ ಸರಿದಿವೆ!

ಗಮನಿಸಿಯೂ
ಗಮನಿಸದಂತೆ
ಮೌನ ಹೊದ್ದು
ಕೌತುಕದ ಕಣ್ಣರಳಿಸಿದೆ
ಸೂರ್ಯನ ಮೂರನೇ ಕಣ್ಣು!

ಕಾಯಿಸದೇ ಹಾಲಿನ ಕೆನೆಯೆಲ್ಲಿ?
ನೋಯಿಸದೇ ಹೊಮ್ಮುವ
ಜೀವವೆಲ್ಲಿ?

ಸೂರ್ಯನ ಕೌತುಕವ
ಕಣ್ಣಿನ ಮಿಂಚಿಂದ
ನಿಧಾನಕ್ಕಾದರೂ ಸರಿ
ಮತ್ತೆ ಹನಿ ಒಸರಬೇಕು
ಹಸಿಮಣ್ಣಲಿ ಬೀಜ
ಬಿತ್ತಬೇಕು
ಜೀವಂತಿಕೆ ಉಕ್ಕಬೇಕು

ಸ್ತಬ್ಧತೆಯ ಮೀರಿ
ಢಣಗುಡುವ ಘಂಟಾನಾದ
ಮೊಳಗಲೇಬೇಕು!
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಕುಂಟ ಬಸವನ ಪ್ರೇಮ ಪುರಾಣ
Next post ಗೋಡ್ರ ಮಿಡ್‌ನೈಟ್ ಪ್ರೋಗ್ರಾಮು, ಸಡನ್ ಭಕ್ತ ಕನಕನಾದ ಸಿದ್ರಾಮು!

ಸಣ್ಣ ಕತೆ

  • ಒಂದು ಹಿಡಿ ಪ್ರೀತಿ

    ತೆಂಗಿನ ತೋಟದಲ್ಲಿ ಬಾಗಿಕೊಂಡು ಹಣ್ಣಾಗಿ ಉದುರಿದ ಅಡಕೆಗಳನ್ನು ಒಂದೊಂದಾಗಿ ಹೆಕ್ಕಿ, ಸನಿಹದಲ್ಲಿದ್ದ ಪ್ಲಾಸ್ಟಿಕ್ ಚೀಲಕ್ಕೆ ತುಂಬಿಸುತ್ತಿದ್ದಂತೆ ಪಕ್ಕದಲ್ಲಿ ಸರಕ್ಕನೆ ಹರಿದು ಹೋದ ಕೇರೆ ಹಾವಿನಿಂದಾಗಿ ಒಮ್ಮೆ ವಿಚಲಿತರಾದರು… Read more…

  • ಜಂಬದ ಕೋಳಿ

    ಪ್ರಕರಣ ೩ ಜನಾರ್ದನ ಪುರದ ಹಳೆಯ ಇನ್ಸ್‍ಪೆಕ್ಟರಿಗೆ ಮೇಷ್ಟರುಗಳೆಲ್ಲ ಬೀಳ್ಕೊಡುವ ಔತಣವನ್ನು ಏರ್ಪಾಟು ಮಾಡಿದ್ದಾರೆ. ಹಳೆಯ ಇನ್‍ಸ್ಪೆಕ್ಟರು ಒಂದು ಸಾಮಾನ್ಯ ಪಂಚೆಯನ್ನು ಉಟ್ಟು ಕೊಂಡು, ಒಂದು ಚೆಕ್ಕು… Read more…

  • ಆ ರಾಮ!

    ಮೇಲೆ ವಿಶಾಲವಾದ ನೀಲಮಯ ನಭೋಮಂಡಲ. ಲೋಕವನ್ನೆ ಅವಲೋಕಿಸ ಹೊರಟವನಂತೆ ದಿನಮಣಿಯು ದೀಪ್ತಿಯುಳ್ಳವನಾಗಿ ಮೂಡಣದಲ್ಲಿ ನಿಂತಿದ್ದಾನೆ. ಅವನ ಪ್ರಖರ ಕಿರಣಗಳು ನೀರಿನೆಲೆಗಳ ಮೇಲೆ ಕೆಳಗು ಮೇಲಾಗುತ್ತಿವೆ. ಚಿಕ್ಕವರು ದೊಡ್ಡವರು… Read more…

  • ಇನ್ನೊಬ್ಬ

    ದೇವರ ವಿಷಯದಲ್ಲಿ ನಾನು ಅಗ್ನೋಸ್ಟಿಕನೂ ರಾಜಕೀಯದ ವಿಷಯದಲ್ಲಿ ಸೆಂಟ್ರಿಸ್ಟನೂ ಆಗಿದ್ದೇನೆ. ಇವೆರಡೂ ಅಪಾಯವಿಲ್ಲದ ನಿಲುವುಗಳೆಂಬುದು ನನಗೆ ಗೊತ್ತು. ಅಗ್ನೋಸ್ಟಿಕನಾಗಿದ್ದವನನ್ನು ಆಸ್ತಿಕರೂ ನಾಸ್ತಿಕರೊ ಒಂದೇ ತರಹ ಪ್ರೀತಿಯಿಂದ ಕಾಣುತ್ತಾರೆ,… Read more…

  • ಆವರ್ತನೆ

    ಒಬ್ಬ ಸಾಹಿತಿಯನ್ನು ನೋಡುವ ಕುತೂಹಲ ಯಾರಿಗಿಲ್ಲ? ಪಕ್ಕದೂರಿನ ಹೈಸ್ಕೂಲಿನಲ್ಲಿ ಕಾದಂಬರಿಕಾರ ಅ.ರ.ಸು.ರವರ ಕಾರ್ಯಕ್ರಮವಿದೆಯೆಂಬ ಸುದ್ದಿ ಕೇಳಿ ನಾವು ನೋಡಲು ಹೋದೆವು. ಅ.ರ.ಸು.ರವರ ಕೃತಿಗಳನ್ನು ನಾವಾರೂ ಹೆಚ್ಚಾಗಿ ಓದಿರಲಾರೆವು.… Read more…