ಧನ್ಯ ಧನ್ಯ ಧನ್ಯ ಹೂವೆ
ನಿನ್ನ ದಾನ ಪಾವನಂ
ನಿನಗೆ ನನ್ನ ನಮನ ನಮನ
ನೀನೆ ನನ್ನ ಜೀವನಂ ||೧||
ಮುಗಿಲ ತುಂಬ ರತ್ನ ಪಕ್ಷಿ
ನೀನೆ ಅದರ ಕಾರಣಂ
ನೆಲದ ತುಂಬ ಯಕ್ಷ ಯಕ್ಷಿ
ನೀನೆ ರಸದ ತೋರಣಂ ||೨||
ಅವನೆ ನೀನು ವಿಮಲ ಧೇನು
ಜೋಗ ಯೋಗ ಸಂಭ್ರಮಾ
ನಿನ್ನ ಚರಣ ತನನ ತನನ
ಓಡಿ ಹೋಯ್ತು ವಿಭ್ರಮಾ ||೩||
ಒಹೋ ಹೂವೆ ನಗುವ ನಾವೆ
ತುಂಬಿ ತೂಗು ಋಷಿವನಂ
ನಿನಗೆ ನಾನು ಮುಗ್ಧ ಗೋವು
ಹಸಿರು ಉಸಿರು ಅಪರ್ಣಂ ||೪||
*****
Latest posts by ಹನ್ನೆರಡುಮಠ ಜಿ ಹೆಚ್ (see all)
- ರಾಮ ಅತ್ತ ಸೀತೆ ಇತ್ತ - April 13, 2021
- ಕಿರಿಕೆಟ್ಟ ಆಟಕ್ಕ - April 6, 2021
- ಧನ್ಯ ಧನ್ಯ ಧನ್ಯ ಹೂವೆ - March 30, 2021