ಈಚಲ ಮರದಡಿ

ಈಚಲ ಮರದಡಿ
ಈಶ್ವರ ಭಟ್ಟರು
ಧೋತರ ಹರಡಿ
ಕುಳಿತೇ ಬಿಟ್ಟರು

ಆಕಡೆ ನೋಡಿ
ಈಕಡೆ ನೋಡಿ
ಮೊಗೆದೇ ಬಿಟ್ಟರು
ಕುಡಿದೇ ಬಿಟ್ಟರು

ಏನದು ಗಡಿಗೆ
ಏನದರೊಳಗೆ
ಓಹೋ ಹುಳ್ಳಗೆ
ತಿಳಿಯಿತು ಮಜ್ಜಿಗೆ

ನೋಡಿದರುಂಟು
ಕೇಳಿದರುಂಟು
ಇಷ್ಟಕ್ಕೂ ಇದು
ಯಾರಪ್ಪನ ಗಂಟು
ಈಚಲ ನಂಟು
ನಮಗೂ ಉಂಟು

ಗಡ ಗಡ ಗಡಿಗೆ
ಗುಡು ಗುಡು ಗುಡುಗೆ
ಏರಿತು ಮೇಲೆ
ಇಳಿಯಿತು ಕೆಳಗೆ

ಮೆಲ್ಲನೆ ಎದ್ದರು
ಕಲ್ಲನು ಒದ್ದರು
ಬಿದ್ದರು ಎದ್ದರು
ಎಲ್ಲರ ಬಯ್ದರು

ಅಹ ತೂರಾಡಿ
ಅಹ ಹಾರಾಡಿ
ನಿಂತು ನಗಾಡಿ
ಪದಗಳ ಹಾಡಿ
ನಡೆದರು ನಿಂತರು
ಹಾಗೇ ಕುಂತರು
ತಲೆ ತಿರುಗಾಡಿ
ನೆಲ ಅದುರಾಡಿ
ಮೈ ಹೊರಳಾಡಿ
ಮಂಗ್ಳೂರ್‌ ಗಾಡಿ
ಬೆಂಗ್ಳೂರ್ ಗಾಡಿ
ಮುಂಬಯಿ ಗಾಡಿ
ಎಲ್ಲ ಲಗಾಡಿ
ತಿಕ ಮುಕ ರಾಡಿ

ತೈ ತಕ ತೈ ತಕ
ನೋಡಿತು ಲೋಕ
ತಿರುಗಿಸಿ ಮುಕ
ನಕ್ಕಿತು ಪಕ ಪಕ

ಇವರೊ! ದಿಗಂಬರ
ಕುಣಿದರು ಬಂಬರ
ಆ ಮರ ಈ ಮರ
ಈಚಲ ಮರ ಮರ

ತೈ ತಕ ತೈ ತಕ
ತದಿಗಿಣ ತೋಂ ತಕ
ತಾರಕ ತೋರಕ
ಬೆಳಗಿನ ತನಕ

ಈಚಲ ಮರವೇ
ಈಚಲ ಮರವೇ
ಈ ಛಲ ಸರಿಯೇ
ಇಂಥಾ ಮರವೇ!
*****

ಕೀಲಿಕರಣ : ಎಂ ಎನ್ ಎಸ್ ರಾವ್

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಮೌನದೊಳಗೆ
Next post ತೇದಿ ಒಂದು

ಸಣ್ಣ ಕತೆ

  • ರಾಧೆಯ ಸ್ವಗತ…

    -

    ಈಗ ಸೃಷ್ಟಿಕರ್ತನ್ನು ದೂಷಿಸುತ್ತಾ ಕಾಲ ಕಳೆಯುತ್ತಿದ್ದೇನೆ ಕೃಷ್ಣಾ. ಹೆಂಗಸರಿಗ್ಯಾಕೆ ಅವರ ಪ್ರಿಯಕರರಿಗಿಂತ ಹೆಚ್ಚು ಆಯುಸ್ಸನ್ನು ಅವನು ಕೊಡುತ್ತಾನೋ? ನೀನು ಹೇಳುತ್ತಿದ್ದುದು ಮತ್ತೆ ಮತ್ತೆ ನೆನಪಾಗುತ್ತಿದೆ: "ರಾಧೆ, ಈ… ಮುಂದೆ ಓದಿ.. 

  • ಹೃದಯದ ತೀರ್ಪು…

    -

    ಬೆಳಿಗ್ಗೆ ಏಳು ಗಂಟೆಯ ಹೊತ್ತಿಗೆ ತಿಂಡಿ ಕೂಡ ಮಾಡದೆ ಹೊರ ಹೋಗುತ್ತಿದ್ದ ಯೂಸುಫ್, ಮಧ್ಯಾಹ್ನ ಮಾತ್ರ ಮನೆಯಲ್ಲಿ ಉಣ್ಣುತ್ತಿದ್ದ. ರಾತ್ರಿಯ ಊಟ ಅವನ ತಾಯಿಯ ಮನೆಯಲ್ಲಿ. ತಾಯಿಯ… ಮುಂದೆ ಓದಿ.. 

  • ಆವರ್ತನೆ

    -

    ಒಬ್ಬ ಸಾಹಿತಿಯನ್ನು ನೋಡುವ ಕುತೂಹಲ ಯಾರಿಗಿಲ್ಲ? ಪಕ್ಕದೂರಿನ ಹೈಸ್ಕೂಲಿನಲ್ಲಿ ಕಾದಂಬರಿಕಾರ ಅ.ರ.ಸು.ರವರ ಕಾರ್ಯಕ್ರಮವಿದೆಯೆಂಬ ಸುದ್ದಿ ಕೇಳಿ ನಾವು ನೋಡಲು ಹೋದೆವು. ಅ.ರ.ಸು.ರವರ ಕೃತಿಗಳನ್ನು ನಾವಾರೂ ಹೆಚ್ಚಾಗಿ ಓದಿರಲಾರೆವು.… ಮುಂದೆ ಓದಿ.. 

  • ಕಲ್ಪನಾ

    -

    ಚಿತ್ರ: ಟಾಮ್ ಬಿ ಇದು ಇಪ್ಪತ್ತು ವರ್ಷಗಳ ಹಿಂದಿನ ಕಥೆ! ಮಾತನಾಡುವ ಸಿನಿಮಾ ಪ್ರಪಂಚ ಅದೇ ಆಗ ದಕ್ಷಿಣ ಭಾರತದಲ್ಲಿ ತಲೆಯೆತ್ತಿದ್ದಿತು! ಸಿನಿಮಾದಲ್ಲಿ ಪಾತ್ರವಹಿಸುವ ನಟಿನಟಿಯರನ್ನು ಅಚ್ಚರಿಯ… ಮುಂದೆ ಓದಿ.. 

  • ಬ್ರಿಟನ್ ದಂಪತಿಗಳ ಪ್ರೇಮ ದಾಖಲೆ…

    -

    ಫ್ರಾಂಕ್ ಆಗ ಇನ್ನು ಹದಿನಾಲ್ಕು ವರ್ಷದ ಹುಡುಗ ತೆಳ್ಳಗೆ ಬೆಳ್ಳಗೆ ಇದ್ದು, ಕರಿಯ ಬಣ್ಣದ ದಟ್ಟ ಕೂದಲಿನ ಬ್ರಿಟಿಷ್ ಬಾಲಕ. ಹೈಸ್ಕೂಲಿನಲ್ಲಿ ಓದುತ್ತಿದ್ದ ಫ್ರಾಂಕ್‌ಗೆ ಕಾಲ್ಚೆಂಡು ಆಟ… ಮುಂದೆ ಓದಿ..