ವೈದಮದೀನಪುರಿ ಸೈದರಮನೆಯೊಳು
ಮಾದರಾಕಿ ಹಡೆದಾಳೋ ಮಗನ ||ಪ||
ಐದು ತಾಸು ಅಲ್ಲೆ ಇದ್ದು ಸತ್ತಿತೋ
ಜಯದಿ ಅರ್ಥ ಹೇಳುವ ಸುಗುಣ ||೧||
ಚಿತ್ರಕೂಟದಿ ವಿಚಿತ್ರವಾಯಿತು
ಚಿತ್ತಮಳಿಗೆ ನಾಯ್ಗಳ ಹಗಣ ||೨||
ಪುಚ್ಚಿಯೊಳಗ ಸಿಕ್ಕೊಂಡು ಸತ್ತಿತೋ
ಬ್ರಹ್ಮನಿಗಿದು ಬಂದಿತು ಬ್ರಮಣ ||೩||
ಲೊಕದೊಳಗೆ ಒಂದು ಮೇಟಿಯು ಹುಟ್ಟಿತು
ಅದಕೆ ಆದವು ಎರಡಕ್ಷರ ||೪||
ಎರಡು ಕೂಡಿಸಿ ಒಂದಕೆ ಇಟ್ಟರೆ
ಸವ್ವಲು ಹೇಳುವ ಗಂಭೀರ ||೫||
ಹರಗೆ ಮೋರುಮ ಹರಿಗೆ ಆಲಾವ
ಕುರಿಯು ಕೊ೦ದು ತಿಂದವ ಸುಗುಣ ||೬||
ವಸುಧಿಯೊಳು ಶಿಶುನಾಳಧೀಶನ ಸವ್ವಲು
ದಶದಿನದಲಿ ಹೇಳರಿ ಇದನು ||೭||
*****
