ಕನ್ನಡ ನಲ್ಬರಹ ತಾಣ
ಬಾಳಿನ ಕಡಲಲ್ಲಿ
ಮಿಂದು ಬಂದೆ ನಾನು
ಹೊಸ ವರುಷದ ಹೊಸ ಹರುಷದ
ಹೊನಲಲಿ
ನಗುವ ಹೂವಾಗಿ ಬಂದೆ ನಾನು||
ಕವಲೊಡೆದ ಸಸಿಯಂತೆ
ಹೊಲ ಮರ ನೆಲಗಿಡ ಹಸಿರ ಹಾಸಿಗೆ
ಬರಸೆಳೆಯುವಂತೆ ಬಯಕೆಗಳ ಹೊತ್ತು
ಯೌವನ ಸಿರಿಯ ತೋರುವಂತೆ ಬಂದೆ ನಾನು||
ಬಳೆಗಾರನ ಬಳೆ ಸದ್ದಲ್ಲಿ ಅಡಗಿದ
ಬಯಲು ಸೀಮೆ ಒಡಮಾಲೆ ತೊಟ್ಟು
ವಧುವಾಗಿ ಬಂದೆ ಸಿರಿಯಾಗಿ ನಿಂತೆ ನಾನು||
ಜೋಗದ ಸಿರಿ ಜೋಕಾಲಿಯಾಡಿ
ರಂಗೋಲಿ ಬಿಡಿಸಿ ಮಲ್ಲೆ ಜಾಜಿ
ಸೇವಂತಿ ವಸಂತನ ಕರೆಯುತ ಬಂದೆ ನಾನು||
ನವರಾಗ ನವರಸ ತಳಿರು ತೋರಣ
ಸಿಂಗರಿಸಿ ವಧುವಾಗಿ ಬಂದೆ
ಹಸೆಮಣೆ ಏರಿ ಹಾಡುತ
ಮೆಲುದನಿಯಲಿ ಇಂಪಾಗಿ ಬಂದೆ ನಾನು
*****
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
