ಕನ್ನಡ ನಲ್ಬರಹ ತಾಣ
ಕಾಯುತ್ತಿದೆ ಈ ನೀರವ ಗಗನ
ಕಾಯುತ್ತಿದೆ ಗಿರಿ ನದಿ ಆವರಣ
ಮಾಯಿಸಿ ಹಿಂದಿನ ನೋವು ನಿರಾಸೆಯ
ಆಗುತ್ತಿದೆ ಹೊಸ ವರ್ಷಾಗಮನ
ಇರುಳಲಿ ಎಷ್ಟೇ ನೊಂದರು ಜೀವ
ತುಡಿಯದೆ ಕನಸಿಗೆ ಬೆಳಗಿನ ಝಾವ?
ಸಾಗಿದ ವರ್ಷವೊ ನೀಗಿದ ಇರುಳು
ಹೊಸ ಹಾಡಿಗೆ ಅಣಿಯಾಗಿದೆ ಕೊರಳು
ಬರುವ ಮುಂಚೆಯೇ ಭಾವೀದಿನವ
ಶಂಕಿಸದಂತೆ ಸರಿಯಿಡಿ ಮನವ,
ನವವಧುವನು ಕೈ ಹಿಡಿಯುವ ತರುಣ
ಕಾಯುವಂತೆ ಕಾತರದಲಿ ಕ್ಷಣವ
ಕಾಯುತ್ತಿದೆ ಈ ನೀರವ ಗಗನ
ಧ್ಯಾನಿಸುವಂತೆ ದೇವನ ಚರಣ
ಈಗಿನ ಕತ್ತಲು ಬೇಗನೆ ಕರಗಿ
ಮೂಡಲೆಂದು ನವಭಾಸ್ಕರ ಕಿರಣ
*****
“ಮಮ್ಮಿ ! ಮಮ್ಮಿ ! ಬೇಗ ಬಾ” “ಅಡಿಗೆ ಮಾಡುತ್ತಾ ಇದ್ದೇನೆ, ಯಾಕೆ ಕಿರಿಚಿಕೊಳ್ಳುತ್ತಾ ಇದ್ದಿಯಾ ರೋಜಿ? ಬರುತ್ತೀನಿ ತಾಳು” ಎಂದಳು ಕೆಲಸದಲ್ಲಿ ನಿರತ ತಾಯಿ. “ಮಮ್ಮಿ! ಒಂದು ನಿಮಿಷ ಬಂದು ನೋಡು, ಕಾಗೆ ಪುಟ್ಟ ಅಳಿಲನ್ನು ಕುಕ್ಕಿ ನೋವು ಮಾಡುತ್ತಾ ...
“ಭಟ್ಟರೇ, ನಿಮಗೆ ಹೇಳಲೊ? ಇಘ್ನೇಶ್ವರರಾಯರು ಅಂದರೆ ನಮ್ಮ ಜಾತಿಗೇ ಭೂಷಣ. ಅವರು ವಕೀಲಿ ಮಾಡಲು ಸುರು ಮಾಡಿದಂದಿನಿಂದ ಬೇರೆ ಜಾತಿಯವರ ಸೊಕ್ಕು ಮುರಿದಿದೆ. ಈಗ ಶೆಟ್ಟಿ ಶಾನಬೋಗರೆಲ್ಲ ಅವರಿಗೆ ರಾಯರೇ ಎಂದು ಸಲಾಮು ಮಾಡುವವರೇ! ನಿಮಗೆ ಹೇಳಲೊ? ಅದು ಒಬ್ಬೊಬ್ಬರ ಜನ್ಮಕುಂಡಲಿ ಇದ್ದ...
