ಮನವೆಂಬ ಮನೆಯಲ್ಲಿ

ಮನವೆಂಬ ಮನೆಯಲ್ಲಿ
ಶ್ರೀಮಂತ ನಾನು
ಗುಡಿ ಎಂಬ ನೆಲದಲ್ಲಿ
ನಡೆಯುವಾತ ನಾನು ||

ನಾನಲ್ಲ ಬಡವ
ನಾನೆಂಬಾತ ಬಡವನು
ನನಗಿಲ್ಲ ಯಾರ ಪರಿವೆಯೂ
ಬೇಕಿಲ್ಲ ಯಾರ ಕರುಣೆಯೂ ||

ನಡೆಸುವಾತನಿಹನು
ನಡೆಯುವಾತ ನಾನು
ಅವನಿಗಿವನು ಗೊಂಬೆಯು
ಇವನಿಗವನೇ ನೆರಳು ||

ಗುಡಿಸಲೆಂಬೊ ಗುಡಿಯಲ್ಲಿ
ನನ್ನಾಕೆ ಲಕ್ಷ್ಮಿಯು
ನನ್ನ ಮಕ್ಕಳೆ ದೀವಿಗೆ
ಕಿರಣಗಳೆ ಜೀವನಕೆ ||
ಬೆಳಕಾಗಿಹರು ಬಾಳಿಗೆ
ಹಸಿರಾಗಿಹರು ಜೀವಕೆ

ಹಿಟ್ಟು ಅಂಬಲಿಯ ಮೃಷ್ಟಾನ್ನ
ಕಷ್ಟ ಸುಖಗಳೇ ಚಿನ್ನಾಭರಣ
ನೆಮ್ಮದಿಯ ನೆರಳಲ್ಲಿ
ಹಸಿರು ಉಸಿರೆ ಪಾವನವು ||
*****

ಕೀಲಿಕರಣ : ಕಿಶೋರ್‍ ಚಂದ್ರ

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಮತಾಂತರ – ಒಂದು ಪ್ರತಿಕ್ರಿಯೆ
Next post ಮಾತು

ಸಣ್ಣ ಕತೆ