ಮೂರು ಕಾಸಿನ ಗಂಧ ಬೊಟ್ಟು
ಮೊಣಕಾಲು ಮಾರುದ್ದ ಸೀರೆ
ತಲೆ ತುಂಬಾ ಸೆರಗು
ತಲೆ ಬಾಗಿಲಲೇ ನಿಂತು
ಪತಿದೇವ ನಿರೀಕ್ಷೆ
ನನ್ನಜ್ಜಿ ಪರಂಪರೆ
ಬಳೆಯಂಡಿಯ ದೊಡ್ಡ ಬಿಂದಿಯಿಟ್ಟು
ಆರು ಮಾರುದ್ದ ಸೀರೆಯುಟ್ಟು
ಮೈತುಂಬಾ ಸೆರಗ ಹೊದ್ದು
ಟಿ.ವಿ. ನೋಡುತ್ತ ಮತ್ತೆ
ಅಡಿಗಡಿಗೆ ಬಾಗಿಲಲಿ ಇಣುಕುತ್ತ
ಗಂಡನಿಗೆ ಕಾದವಳು – ನನ್ನಮ್ಮ
ಹಣೆಯಲ್ಲಿ ಚಿಕ್ಕ ಚುಕ್ಕಿ
ತುಟಿಗೊಂದಿಷ್ಟು ಬಣ್ಣ ತಿಕ್ಕಿ
ಚೂಡಿದಾರದ ಪೋಷಾಕು ತೊಟ್ಟು
ಸ್ಕೂಟಿ ಹತ್ತಿ ಮಕ್ಕಳ ಸ್ಕೂಲಿಗೆ ಬಿಟ್ಟು
ಮನ ಬಾಗಿಲಿಗೆ ಬೀಗ ಜಡಿದು
ಗೃಹಿಣಿ ಗೃಹಮುಚ್ಯತೆ ಆಗದೇ
ಗೃಹಿಣಿ ಉದ್ಯೋಗಮುಚ್ಯತೆ
ಆದವಳು ನಾನು
ಪರಂಪರೆಯ ಮಾರ್ಪಾಟು
ಹಣೆಯಲ್ಲಿ ಬೊಟ್ಟಿಲ್ಲ
ಪರ್ಯಾಯಕ್ಕೆ
ತೋಳಲ್ಲಿ ಬೆನ್ನಲ್ಲಿ ಹಚ್ಚೆ
ಮೈಗಂಟಿದ ಬಟ್ಟೆಯಲ್ಲಿ
ಅರನಗ್ನ ವೇಷದಲಿ
ಕೈಯಲ್ಲಿ ಮೊಬೈಲು
ಕಾಲಲ್ಲಿ ಶೂತೊಟ್ಟು
ಹುಡುಗನೋ ಹುಡುಗಿಯೋ
ನೋಟಕ್ಕೆ ಅಳೆಯಲಾಗದು
ಬರುತಿಹಳು ಅಂತೆ
ನನ್ನ ಮಗಳು
*****
ಆಂಗ್ಲಭಾಷಾ ಉಪನ್ಯಾಸಕಿ
ಪ್ರಕಟಿತ ಕೃತಿಗಳು: ಏಣಿ ಮತ್ತು ಪದಗಳೊಂದಿಗೆ ನಾನು[ ಕವನ ಸಂಕಲನಗಳು,] ಪಾಶ್ಚಿಮಾತ್ಯ ಸಾಹಿತ್ಯ ಲೋಕ [ಅಂಕಣಬರಹ ಕೃತಿ]
ಪ್ರಶಸ್ತಿಗಳು:ಏಣಿ ಕವನ ಸಂಕಲನಕ್ಕೆ ಕನ್ನಡ ಸಾಹಿತ್ಯ ಪರಿಷತ್ತಿನ ಶ್ರೀಮತಿ ಶಾರದಾ ರಾಮಲಿಂಗಪ್ಪ ದತ್ತಿ ಪ್ರಶಸ್ತಿ,
ಸಂಕ್ರಮಣ ಕಾವ್ಯ ಪ್ರಶಸ್ತಿ ೨೦೧೬, ರವಿಕಿರಣ ಸಾಹಿತ್ಯ ಪ್ರತಿಷ್ಠಾನ ಬೆಂಗಳೂರು ಪ್ರಥಮಕಥಾ ಬಹುಮಾನ ೨೦೧೮ , ತುಷಾರ ಮಾಸ ಪತ್ರಿಕೆಯ ಕ್ಯಾಲಿಫೋನರ್ಿಯಾ ಕಾವ್ಯಾಂಜಲಿ ತೃತೀಯ ಕಥಾ ಬಹುಮಾನ ೨೦೧೮ ಇತ್ಯಾದಿ ಬಹುಮಾನ ಬಂದಿದೆ.ಮೊಗವೀರ ಮಾಸಪತ್ರಿಕೆ ಮುಂಬಯಿ ೨೦೧೭ರ ಸಮಾಧಾನಕರ ಕಥಾ ಬಹುಮಾನ, ಕರಾವಳಿ ಮುಂಜಾವು ದಿನಪತ್ರಿಕೆಯದೀಪಾವಳಿ ಕಥಾ ಸ್ಪಧರ್ೆಗಳಲ್ಲಿ ಬಹುಮಾನ ಇತ್ಯಾದಿ ಬಂದಿರುತ್ತವೆ.
ಪ್ರಕಟಿತ ಕೃತಿಗಳು: ಏಣಿ ಮತ್ತು ಪದಗಳೊಂದಿಗೆ ನಾನು[ ಕವನ ಸಂಕಲನಗಳು,] ಪಾಶ್ಚಿಮಾತ್ಯ ಸಾಹಿತ್ಯ ಲೋಕ [ಅಂಕಣಬರಹ ಕೃತಿ]
ಪ್ರಶಸ್ತಿಗಳು:ಏಣಿ ಕವನ ಸಂಕಲನಕ್ಕೆ ಕನ್ನಡ ಸಾಹಿತ್ಯ ಪರಿಷತ್ತಿನ ಶ್ರೀಮತಿ ಶಾರದಾ ರಾಮಲಿಂಗಪ್ಪ ದತ್ತಿ ಪ್ರಶಸ್ತಿ,
ಸಂಕ್ರಮಣ ಕಾವ್ಯ ಪ್ರಶಸ್ತಿ ೨೦೧೬, ರವಿಕಿರಣ ಸಾಹಿತ್ಯ ಪ್ರತಿಷ್ಠಾನ ಬೆಂಗಳೂರು ಪ್ರಥಮಕಥಾ ಬಹುಮಾನ ೨೦೧೮ , ತುಷಾರ ಮಾಸ ಪತ್ರಿಕೆಯ ಕ್ಯಾಲಿಫೋನರ್ಿಯಾ ಕಾವ್ಯಾಂಜಲಿ ತೃತೀಯ ಕಥಾ ಬಹುಮಾನ ೨೦೧೮ ಇತ್ಯಾದಿ ಬಹುಮಾನ ಬಂದಿದೆ.ಮೊಗವೀರ ಮಾಸಪತ್ರಿಕೆ ಮುಂಬಯಿ ೨೦೧೭ರ ಸಮಾಧಾನಕರ ಕಥಾ ಬಹುಮಾನ, ಕರಾವಳಿ ಮುಂಜಾವು ದಿನಪತ್ರಿಕೆಯದೀಪಾವಳಿ ಕಥಾ ಸ್ಪಧರ್ೆಗಳಲ್ಲಿ ಬಹುಮಾನ ಇತ್ಯಾದಿ ಬಂದಿರುತ್ತವೆ.
Latest posts by ನಾಗರೇಖಾ ಗಾಂವಕರ (see all)
- ಒಲೆಗಳು ಬದಲಾಗಿವೆ - January 23, 2021
- ನೆಲಮಣ್ಣಿನ ಸ್ವಯಂ ಸ್ವಯಂವರ - January 16, 2021
- ಮಿಡಿಗಾಯ ಮಹಿಮೆ - January 9, 2021