ಎನ್ನ ಕಾಯೋ ಕರುಣಾಂತರಂಗ
ನಿನ್ನನೇ ಬೇಡುವೆ
ಭಕ್ತರ ಭಕ್ತನೂ ನೀನೆನಿಸಿ
ನಿರುತವೂ ಕಾಯೋ ಕರುಣೆಯ ಹರಸಿ ||ಎ||
ಬೇಡುವೆ ನಿನ್ನ ದಯಾಸಿಂಧು
ಅನುವ್ರತವೂ ನಿನ್ನ ಧ್ಯಾನದಲ್ಲಿರಿಸು ||ಎ||
ತಂದೆಯು ನೀನೇ ತಾಯಿಯು ನೀನೇ
ಬಂಧುಬಳಗ ಸಖಭಾವನೂ ನೀನೇ ||ಎ||
ಪಾಪಗಳ ತೊರೆದು ಪಾವನವಾಗಿಸು
ನಿತ್ಯವು ನಿನ್ನ ಸತ್ಯದಲ್ಲಿರಿಸು ||ಎ||
ಭವಸಾಗರ ಭವರೋಗಗಳ ತಡೆದು
ಬಂಧನವ ಬಿಡಿಸಿ ಭಕುತಿಯಲ್ಲಿರಿಸು ||ಎ||
ನಿನ್ನ ಅರಿಯದಾದೆ ಮಾಯಾಮುಸುಕಿನಲಿ
ದೀನಳ ಮೊರೆಯ ಕೇಳಲೋ ಹರಿಯೇ ||ಎ||
ಹಂಸಾವಾಹನ ಪರಮಾತ್ಮ ನೀನೇ
ಗರುಡಾದ್ರಿ ಗಮನ ಲಕುಮೀಶನೇ ||
*****