ಓ ನನ್ನ ಕೃಪಾಸಿಂಧು ದೇವ
ನಿನ್ನ ಸ್ಮರಣೆಯೇ ಸದಾ ಇರಿಸು
ನಾ ನಿನ್ನ ನಾಮವೊಂದೇ ಸದಾ
ನನಗೆ ನಿತ್ಯ ಅನವರತ ನುಡಿಸು
ಈ ಕ್ಷಣ ಕ್ಷಣದ ತುಸುಭಾಗ
ನಿನ್ನ ನೆನೆಯದೆ ವ್ಯರ್‍ಥ ಹೋಗದಿರಲಿ
ನನ್ನ ಬದುಕಿನ ಮೂಲೆ ಮೂಲೆಗೂ
ಪಾಪದ ಕರ್‍ಮವು ಇಣಕದಿರಲಿ
ನಾನು ಎಲ್ಲೂನಿಂತಿರಲಿ, ವಾಸಿರಲಿ
ನಿನ್ನ ನಾಮವೊಂದ ನುಡಿಯುತ್ತಿರಲಿ
ನನ್ನ ಜಿವ್ಹೆಯ ಮೇಲೆ ಸದಾವೂ
ನಿನ್ನ ಮಹಿಮೆಯೆ ವರ್‍ಣಿಸುತ್ತಿರಲಿ
ನನ್ನ ಕರ್‍ಮ ಕರ್‍ಮಗಳಲ್ಲೂ
ನಿನ್ನ ರೂಪವೇ ನಾ ಕಂಡಿರಲಿ
ನೀ ನೀಡಿದ ಅವಸ್ಥೆಗಳೆಲ್ಲವೂ
ನಾ ಎಲ್ಲವೂ ಎದೆಗವಚಿ ಕೊಂಡಿರಲಿ
ಇನ್ನೂ ನನ್ನ ಬಾಳು ಪವಿತ್ರವಾಗಲಿ
ಪಾಪ ಪ್ರಜ್ಞೆ ಸುಳಿವು ಸುಳಿಯದಿರಲಿ
ನಿನ್ನ ಕಾಣುವ ಭಾಗ್ಯ ಕೂಡಿ ಬರಲಿ
ಮಾಣಿಕ್ಯ ವಿಠಲನಂತೆ ಧನ್ಯನಾಗಿರಲಿ
*****
