ಪುಟ್ಟ ಒಬ್ಬ ತುಂಟನು
ಎಂದೂ ಸುಮ್ಮನಿರನು
ತುಂಟಾಟದಲ್ಲಿ ಅವನು ಸದಾ ನಿರತನು
ಅದೊಂದು ದಿನ
ಯಾರೂ ಇಲ್ಲದ ವೇಳೆ
ಅಡಿಗೆ ಮನೆಗೆ ನುಗ್ಗಿ ಬಾಟಲಿಗೆ ಕೈ ಇಟ್ಟನು
ಬೇಸನ್ನ ಉಂಡಿ
ಅವಲಕ್ಕಿ ಹಿಡಿ
ಗಡಿ ಬಿಡಿಯಿಂದ ಮುಕ್ಕಿದನು
ಹುರಿದ ಕಡಲೆ
ಪೆಂಟಿ ಬೆಲ್ಲ
ಗಬ ಗಬ ನುಂಗಿ ತೇಗಿದನು
ಅತ್ತಿತ್ತ ನೋಡಿದ
ಬಿಸ್ಕತ್ ಡಬ್ಬಕೆ ಹಾರಿದ
ಇಳಿಸಲು ಹೋಗಿ ಬೀಳಿಸಿಬಿಟ್ಟ
ಗಾಜಿನ ಬಾಟಲಿ
ಬಿದ್ದು ನೆಲದಲಿ
ಚೂರು ಚೂರಾಗಿ ಹೋಯ್ತು
ತಾಯಿ ಭಯದಲಿ
ಬಳಿಯುತ ಇರಲು
ಕೈಗೆ ಚುಚ್ಚಲು ರಕ್ತವು ಹರಿಯಿತು
ಆದ ಗಾಯ ನೋಡಿ
ಬಜಾಯಿಸಿದ ಬಂಬ್ಡಿ
ತಾಯಿಯು ತದುಕಿ, ಕಟ್ಟಿದಳು ಪಟ್ಟಿ
ತಾಯಿಯ ಹಿತೋಪದೇಶ
ತಂದೆಯ ಬುದ್ಧಿವಾದ
ಪುಟ್ಟುನ ಮನಸಿಗೆ ನಾಟಿದವು
ಅಂದಿನಿಂದ ಪುಟ್ಟು
ತುಂಟಾಟವ ಬಿಟ್ಟು
ಆದನು ಸರಳ ಸಜ್ಜನ ಸಂಘ ಜೀವಿ
*****
