ಈ ಹುಡಿಯ ಗೂಡಿನೊಳಗೆ ರಕ್ತ ಮಾಂಸ
ಹೂವ ಮಿಡಿಯು ಕಾಲ ಕಾಲಕೆ ನೆರದು,
ಅರಳಿ ಮಿಂದ ಘಮ ಮನದ ಘನ
ಎಲ್ಲಾ ಮುಖದಲಿ ಗುಹೇಶ್ವರನ ನೆರಳು.
ಮನಸಿನಲಿ ಮಹಾಲಿಂಗದ ಬೆಳಕು
ಅರಳಿತು ಆಳಕ್ಕಿದರೆ ಕ್ಯಾದಿಗೆಯ ಘಮ
ಸೊಂಪನ್ನು ಕಂಡವರಿಲ್ಲ ಅನುಭವಿಸಿದವರು
ಚಿಹ್ನೆಯಲಿ ನೇತ್ರದಲಿ ಸರ್ವಾಂಗದಲಿ ಪ್ರಭುಲಿಂಗ
ಲೀಲೆ.
ಮಾಹೇ ಮುಂದಣ ನೃತ್ಯ ನನ್ನ ಬೆತ್ತಲೆ ಮಾಡಿ
ನಾಚಿಕೆಯನು ತೊರೆದ ಬಂಢಮನ ತಲೆ
ಬೋಳಿಸಿ ವಿರಕ್ತವಾದ ಸ್ನಾನ ಮಾಡಿ, ಅವಳ
ಮುಂದೆ ನಿಂತಾಗ ನನಗೆ ಒಲಿದಳು ಮುಕ್ತಂಗನೆ.
ಕಬ್ಬಿಸಲಿ ಕರಡಿ ಬೆನ್ನತ್ತಿ ಹೋದವರು ಕರಿ
ಅರಮನೆ ತಲುಪಿದರು. ನೀರಡಿಸಿದರೆ ಕಲ್ಲುಕವಚು
ಕರಳು ತುಂಬ ಕರ್ಪೂರ ಉರಿದರೆ ಕಳಿ ದಾಟಿ
ಕಸ್ತೂರಿಯ ಘಮ ಅರಳಿದ ಬೆಳಗು ಬೆಳಕು.
ಜಗದ ತುಂಬೆಲ್ಲಾ ಬೀಜ ಕಣಗಳು ಲಿಂಗಗಳು
ಪಾರಮಾರ್ಥದ ಪರೀಕ್ಷೆಯಲಿ ಅಂಗಾಂಗಳ ಸೆಡವು
ಮುಂದಿನ ಪ್ರಳಯಗಳಲಿ ಲೋಕ ಲೋಕವಾಗಿ
ಜಗದಂತೆ ಲಿಂಗ, ಲಿಂಗದಂತೆ ಮನ ಒಳಹೊರಗೂ
ಒಂದಾದ ಗುಹೇಶ್ವರ.
*****
