ಕನ್ನಡವಾಗಲಿ ನಿತ್ಯ

ಕನ್ನಡವಾಗಲಿ ನಿತ್ಯ
ಕನ್ನಡವಾಗಲಿ ಸತ್ಯ|
ಕನ್ನಡ ಕಂಪಿನ ಹೂಮಳೆ ಸುರಿದು
ಸಮೃದ್ಧಿಯಾಗಲಿ ಕರುನಾಡು|
ಭವ್ಯ ಪರಂಪರೆಯ ಈ ನಾಡು||

ಕರುಣೆಯ ಕಡಲು ಈ ಕರುನಾಡು
ಶಾಂತಿಗೆ ಹೆಸರು ಈ ಕನ್ನಡನಾಡು
ಪ್ರೀತಿಗೆ ಮನೆಮಾತು ಈ ಕರುನಾಡು
ತ್ಯಾಗಕೆ ಎತ್ತಿದಕೈ ಈ ಕನ್ನಡನಾಡು|
ಸ್ನೇಹಕೆ ಸ್ನೇಹವ ತೋರುವ ನಾಡು
ಪ್ರಾಣಕೆ ಪ್ರಾಣವ ನೀಡುವ ನಾಡು
ಇದುವೇ ಕವಿ ಕೋಗಿಲೆಗಳ ಪುಣ್ಯದ ಬೀಡು||

ಶಿಲ್ಪಕಲೆಗಳ ಸುಂದರ ನಾಡು
ಶಿಲೆಗಳು ಸಂಗೀತವನಾಡುವ ನಾಡು|
ಹಸಿದವರಿಗನ್ನವ ನೀಡುವ ನಾಡು
ಧರ್ಮ ದೇವರುಗಳು ನೆಲಸಿಹ ನಾಡು
ನವದುರ್ಗಾ ದೇವತೆಗಳ ತಾಯ್ನಾಡು|
ತುಂಗೆ ಭದ್ರೆ ನೇತಾವತಿ ಕೃಷ್ಣೆ
ನಿತ್ಯ ಹರಿಯುವ ಸುಂದರ ನಾಡು||

ಹಕ್ಕಬುಕ್ಕರಾಳಿದ ಈ ಸಿರಿ ನಾಡು
ವಿಜಯನಗರ ವೀರರು ಆಳಿದನಾಡು|
ಹೊಯ್ಸಳ ಕದಂಬ ವಿರಚಿತನಾಡು
ತಾಯಿ ಕಾವೇರಿ ಉದಯಿಸಿದನಾಡು|
ಶಂಕರ ರಾಮಾನುಜ
ವಿದ್ಯಾರಣ್ಯರು ಬೆಳೆಸಿದ ನಾಡು||

ಕವಿರನ್ನ ಪಂಪರ ನೆಚ್ಚಿನ ನಾಡು
ಬೇಂದ್ರೆ ಕುವೆಂಪು ಮಾಸ್ತಿ ಕಾರಂತ
ಗೋಕಾಕರ ಸುಂದರ ಕನ್ನಡ ನಾಡು
ಕನಕ ಪುರಂದರ ಬಸವ ಸರ್ವಜ್ಞರ
ಶ್ರೀಮಂತ ಸಾಹಿತ್ಯದ ತವರು ಈ ಕರುನಾಡು||
*****