ಬಾಳೇ ಒಂದು ಸಂಕ್ರಾಂತಿ
ಬದುಕಿಗೆ ಇದು ಸಂಗಾತಿ
ಮೈ ಮನಗಳಲಿ ನವಿರೇಳುವ ಕ್ರಾಂತಿ
ಓಡಿಸುವುದು ಮನದ ಭ್ರಾಂತಿ
ಆತ್ಮದತ್ತ ಮನವು ವಾಲಬೇಕು
ಪ್ರೀತಿಯತ್ತ ಬುದ್ಧಿವಾಲಬೇಕು
ದೇವರತ್ತ ಇಂದ್ರಿಯ ವಾಲಬೇಕು
ಆತ್ಮವು ಪರಮಾತ್ಮನತ್ತ ಸಾಗಬೇಕು
ಮಕರ ಸಂಕ್ರಮಣ ಭಾನು ಕಾರಣ
ಅದುವೆ ದಕ್ಷಿಣದಿಂದ ಉತ್ತರಾಯಣ
ಮನ ಇಂದ್ರಿಯದತ್ತವಿದ್ದರೆ ದಕ್ಷಿಣಾಯಣ
ಚಿತ್ತ ದೇವರತ್ತ ಸರಿದರೆ ಉತ್ತರಾಯಣ
ಎಳ್ಳು ಬೆಲ್ಲಗಳ ಸಂಗಮದ ಹಬ್ಬ
ಮನಸ್ಸು ಆತ್ಮಗಳ ಸಮ್ಮಿಲನದ ದಿಬ್ಬ
ಜೀವನ ವಿಕಾಸವೇ ಅದು ಸೌರಭ
ಮಾಣಿಕ್ಯ ವಿಠಲನಿಗಿಲ್ಲ ಮಬ್ಬ
*****
