ಅವ್ವ ಹತ್ತು ತಿಂಗಳು
ಹೊತ್ತು ಹೆತ್ತಾಕೆ |
ಅವ್ವ ಅನೇಕ ಕಷ್ಟಗಳ
ನುಂಗಿ ನಡೆದಾಕೆ |
ಅವ್ವ ಅಪ್ಪನ ಎಲ್ಲವನೂ
ಸಹಿಸಿಕೊಂಡಾಕೆ||
ಅವ್ವ ಈ ಸಮಾಜಕ್ಕೆ
ಅಂಜಿ ನಡೆದಾಕೆ|
ಅವ್ವ ಈ ನೆರೆಹೊರೆಯವರ
ನೆಚ್ಚಿನಾಕೆ|
ಅವ್ವ ಹರಿದ ಸೀರೆಯ
ಗಂಟಿಕ್ಕಿ ಉಟ್ಟು
ಕೂಲಿಮಾಡಿ
ನಮ್ಮನ್ನೆಲ್ಲಾ
ಸಾಕಿ ಸಲಹಿದಾಕೆ||
ಅವ್ವ ಅಂತರಂಗಶುದ್ಧಿ
ಉಳ್ಳಾಕೆ
ಅವ್ವ ಕಡು ವಾಸ್ತವವ
ಒಪ್ಪಿಕೊಂಡಾಕೆ|
ಅವ್ವ ಸ್ವಾಭಿಮಾನಿಯಾಗಿ
ಬದುಕಿದಾಕೆ
ಅವ್ವ ಭವಿಷ್ಯದಲಿ
ಅಪಾರ ನಂಬಿಕೆ ಇಟ್ಟಾಕೆ||
ಅವ್ವ ತಾನೊಂದು
ಕಾರ್ಯಗಾರವಾದಕೆ|
ಅವ್ವ ಅಷ್ಟೇನು ಓದದೆ
ಜೀವನದನುಭವದೇ
ಮಹಾ ತತ್ವಜಾನಿ ಆದಾಕೆ||
ಅವ್ವ ಕಾಮಧೇನು
ಕಲ್ಪವೃಕ್ಷವಾದಾಕೆ|
ಅವ್ವ ಅನೇಕ
ಗುರು ಹಿರಿಯರ
ಗಣ್ಯರ ಹೆತ್ತು
ಈ ಭೂಮಿಯ ಋಣ
ತೀರಿಸಿದಾಕೆ||
ಇರಲಿ ನನ್ನದೊಂದು
ಕೋಟಿ ನಮನ ಆಕೆಗೆ|
ಪ್ರಾರ್ಥಿಸುವೆ ನಾ
ಮತ್ತೊಮ್ಮೆ ಹುಟ್ಟಿಬರಲಿ ಆಕೆ|
ಆಶಿಸುವೆ ನಾ ಹುಟ್ಟಲಿಕ್ಕೆ
ಅವಳ ಗರ್ಭಗುಡಿಯಲಿ
ಮತ್ತಷ್ಟು ಮೇಲೇರಲಿಕ್ಕೆ||
*****
