ಮೆರೆವುದು ಭಾರತ ಬಾವುಟವೂ, ಮೆರೆಯಿಸಿ ನಮ್ಮಯ ಕೀರ್‍ತಿಯನೂ |
ತರುಣರ ಹುಮ್ಮಸ ಹೊಮ್ಮಿಸುತೇ, ತರುತಲಿ ಸ್ವಾತಂತ್ರವ ಜನಕೆ || ೧ ||
ಏರಿಸು ಧ್ವಜವನು ಆಗಸದೋಳ್‌, ತೋರಿಸುಸ್ಫೂರ್ತಿಯ ಜಗವೊಳಗೇ |
ಓಡಿಸುಪರಚಕ್ರದ ಭಯವ, ಕೂಡಿಸುಜನರನು ಧ್ವವಜದದಡಿಯೋಳ್‌ || ೨ ||
ನಾಡಿನ ಬಾವುಟ ಮೆರೆಯುತ್ತೆ, ನಾಡಿನ ಕೀರ್ತಿಯ ಹರಡುತ್ತೆ |
ನಾಡಿನ ಹೆಚ್ಚಳ ಮೆರೆಯುತ್ತೆ, ಪಾಡಿರಿ ಬಾವುಟಗೌರವವಾ || ೩ ||
ಕೂಡಿರ್ಪುದು ಮೂರ್ಬಣ್ಣಗಳಿಂ, ನೋಡಿರಿ ಬಿಳಿಯದು ನೈರ್ಮಲ್ಯ |
ಕೂರ್ಮೆಯಲಕ್ಕಣ ಕೆಂಬಣ್ಣ, ನಾಡಿನ ಐಕ್ಯವು ಹಸುರಿನಲಿ || ೪ ||
ಕೂಡಿಸಿ ಮುಸ್ಲಿಮ ಹಿಂದುಗಳಾ, ಮಾಡುತಲರವನು ಬಂಧುಗಳಾ |
ಮಾಡುತೆ ಕಾಯಕ ನಿಮ್ಮಗಳ, ಮಾಡುಕೆ ಮಡೆಯಿರಿ ಧ್ವಜಕಾಗಿ || ೫ ||
ಮಧ್ಯದಿ ಪೊಳೆವದಶೋಕನ ಚಕ್ರ, ಬಡತನ ನಾಶಕ ರಾಟಿಯ ಚಕ್ರ |
ಬಿಡದಲೆಬಾಪುವು ತಿರುಪಿದಚಕ್ರಾ, ಮಡಿದನುಪೊಗಳುತೆ ಚಕ್ರವನೂ || ೬ ||
ಅಳಿಯಿರಿ ಜಾತಿಯ ವಳಜಗಳಾ, ಸುಳಿಯಲಿ ಪ್ರೇಮವು ಮನಗಳಲೀ |
ಕಳೆಯಿರಿ ಬಳಲಿಕೆ ಬಾಧೆಗಳಾ, ಬೆಳಗಿರಿ ಸಂಶೃೃತಿ ಜಗದೊಳಗೇ || ೭ ||
ತಾಳಿರಿ ಜನರೊಳು ಬಂಧುತ್ವಾ, ಕಾಳನು ಬೆಳೆಯಿರಿ ವಿಪುಲದಲಿ |
ಖೂಳರ ಸದ್ದನು ಅಡಗಿಸುತೆ, ಬಾಳಿರಿ ಸುಖಮಯ ಬಾಳುವೆಯಾ || ೮ ||
*****
