ಹಸುಮಳ್ಕಳಾಡಿದರ, ಹಸನವ್ವ ಅಂಗಳ
ದೆಸಿಮುಖದ ಜೆಲುವ ಮಗರಾಮ | ಆಡಿದರ
ಹಸನ ಹಡದವ ಅರಮನೆ ||
ಹಚ್ಚನ್ನ ಮೈಯಾವ, ಹವಳದ ತುಟಿಯಾವ
ಎಲ್ಲಿಗ್ಹೋಗಿದ್ದಿ ಗಿಳಿರಾಮ | ತವರೂರ
ಉತ್ತತ್ತಿ ವನಕ ಉಲುವಿಲ್ಲ ||
ದೇಶದೇಶದ ಮಂದಿ, ಕಾಸಿಗೆ ಹೋಗತಾರ
ಕೂಸು ಕಂದವ್ವ ಒಳಹೊರಗ | ಆಡಿದರ
ಕಾಸಿ ಪರವೂತ ನನಗಾದೆ ||
ಆಗರದನ್ನ ಗಿಣಿಯೆ, ಮೂಗು ಸಂಪಿಗಿ ತೆನಿಯೆ
ಯಾರನ್ನ ಹೋತಿಯೆ ನನ ಕಂದ | ಇನಿಯರ
ರೂವುಚ್ಚಿ ನನ್ನ ಉಡಿಯಾಗ ||
ಸಡಗರ ಸಂಪತ್ತು, ಯಾರಿಂದ ಹಡದವ್ವ
ಕಡೆವ ಹಾಕೀರು ಮಗನಿಂದ | ಹೊಸ್ತಿಲ
ದಾಟೇರಿ ಬರುವ ಸೊಸಿಯಿಂದ ||
ಕಂದವ್ವ ಕಾಡಿದರ, ಸುಂದವ್ವ ಮನೆದಗದ
ರಿಮ್ಮರಿಮ್ಮನ್ನು ಹಲಗಿ | ತೊಟ್ಟಿಲದಾಗ
ಕಂದವ್ಚ ಕಾಡಿ ಮಲಗ್ಯಾನ ||
ಗಂಡು ಮಗನೆ ಬಾರೊ, ಬೆಂಡು ಬೆತ್ತಸ ಬಾರೊ
ದುಂಡ ಮುತ್ತಿನ ಸರ ಬಾರೊ | ಕಂದವ್ವ
ಬಂಗಾರ ಬಾರೊ ಬೈಲಿಗೆ ||
ಬಡತನ ಬಂದರ, ಬಡಿಬ್ಯಾಡ್ರಿ ಮಕ್ಕಳನ
ಆಡ್ಯಾಡಿ ಬಂದು ತೊಡಿಮ್ಯಾಗ | ಕೂತರ
ಬಂದ ಬಡತನ ಬಯಲಾಗಿ ||
*****
