ಹರಿಯೇ ನೀನು ನಂಬಿದವರ
ಕೈಯ ಬಿಡವನಲ್ಲವೆಂದು |
ತಿಳಿದು ನಾನು ಅಚಲವಾಗಿ ನಿನ್ನ ನಂಬಿರುವೆನು ||
ಏನೇ ಕಷ್ಟ ಬಂದರೂನು
ನಿನ್ನ ನೆನೆದು ನೀಗಿ ಬಿಡುವೆನು||
ಮತ್ತೆ ಮತ್ತೆ ಬಿಡದೆ ನನ್ನಪಾಪ
ಬೆನ್ನ ಹತ್ತಿಬಂದರೂನು ನಿನ್ನ ಜಪಿಸಿ|
ಎಲ್ಲ ಕರ್ಮವನು ಕಳೆಯುವವರೆಗೂ
ನಿನ್ನ ಸ್ತುತಿಸಿ ಮುಂದೆ ಸಾಗುವೆ|
ನಿನ್ನ ಕೃಪೆಯು ಎನ್ನ
ರಕ್ಷಣೆ ಮಾಡಿತೆಂದುಕೊಳ್ಳುವೆ||
ಕರ್ಮಫಲವು ನೀಡಿದೆಲ್ಲವನ್ನೂ
ಮಹಾ ಭಾಗ್ಯವೆಂದುಕೊಳ್ಳುವೆ|
ಯಾವ ಪಿತೃವನು ದೂಷಿಸದೆ
ಕಾಲ ಕರ್ಮವನು ಮಾಡುತಾ
ನಿನ್ನ ಭಜನೆ ಮಾಡುವೆ|
ಬಂದದ್ದನ್ನೆಲ್ಲಾ ಸಹಿಸಿ
ಮುಂದೆ ದಾರಿ ಮಾಡಿಕೊಳ್ಳುವೆ||
ಮಂದಮತಿಯಾದ ಎನ್ನ ಕ್ಷಮಿಸಿ
ತಿದ್ದಿರೂಪಿಸು ಹರಿಯೇ|
ಜನ್ಮ ಜನ್ಮಾಂತರಕೂ ನಿನ್ನನೇ ನೆನೆಯುವೆ
ನಿನಗೆ ನನ್ನ ಅನಂತ ಅನಂತ
ವಂದನೆಯ ಅರ್ಪಿಸುವೆ
ಸ್ವೀಕರಿಸು ಓ ಎನ್ನ ದೊರೆಯೆ||
*****
