ಅಂಬಿಗನಾಗು ನನಗೆ ಇನ್ನು

ಅಂಬಿಗನಾಗು ನನಗೆ ಇನ್ನು
ಸಾಗಿಸಲಾರೆ ಈ ಸಂಸಾರವನು|
ಸಾಧಿಸಲಾರೆ ಎನನು ನಾನು
ಸಾಕಾದವು ಎಲ್ಲಾ ಸುಖಭಾಗ್ಯಗಳು||

ಜೀವನಪೂರ್ತಿ ದುಡಿದೆ
ನಾನು ತೃಪ್ತಿಯೇ ಇಲ್ಲ ಏನ್ನೆಲ್ಲಾ ಕಂಡರು|
ಪಡದೆ ನಾನು ಬಯಸಿದನ್ನೆಲ್ಲವನು
ಆದರೂ ಆಸೆಯು ಬಿಡುತ್ತಿಲ್ಲ ನನ್ನನು
ಬಾಯಲಿ ವೈರಾಗ್ಯ ಮನದಲಿ ನೂರಾಸೆ||

ನನಗೆ ಯಾರೂ ಸಮವಿಲ್ಲವೆಂದು
ನನ್ನನೇ ನಾನು ಮೆಚ್ಚಿಕೊಂಡು|
ಸಾವಿರ ವರುಷ ಬದುಕುವೆನೆಂದು
ಹಿಡಿದಾ ಹಟವ ಬಿಡದಲೆ ಬೆಳೆದು
ಮೋಹದ ಮಡುವಲಿ ನನ್ನನೆ ಬಿಗಿದು||

ಅರಿಯದೆ ನಿನ್ನಯ ಇರುವಿಕೆಯನ್ನು
ತಿಳಿಯದೆ ನಿನ್ನಯ ಮಹಿಮೆಗಳನ್ನು|
ಅಜ್ಞಾನದಿ ಅಂಧನಾಗಿ ಜೀವನನೆಡೆಸಿ
ವ್ಯರ್ಥವಾಗುತ್ತಿದೆ ಈ ನರಜನ್ಮ
ಇನ್ನೇಗಿಹುದೊ ನನ್ನ ಮುಂದಿನ ಜನ್ಮ! ||
*****