ತೊರೆಯಲಿ ಹೇಗೆ? ಮರೆಯಲಿ ಹೇಗೆ?

ನನ್ನನ್ನು ಆರೈಸಿದ
ಈ ಊರು, ಹೊಲಮಾರು
ಆನಂದ ನೀಡಿದ ಗುಡಿ, ಗಿಡ, ಮರ
ಎತ್ತಿ ಆಡಿಸಿದ
ಮೂರ್ತಿಯಾಗಿ ರೂಪಿಸಿದ
ಜೀವಿಯಾಗಿ ಛಾಪಿಸಿದ ಜನ
ಜೊತೆ ಜೊತೆ ಬೆಳೆದ ಗೆಳೆಯ, ಗೆಳತಿಯರು
ಅವರ ಸಂಗಡ ಕಳೆದ ಮಧುರ ಕ್ಷಣಗಳು
ಉಂಡ, ಕಂಡ, ಸಿಹಿ-ಕಹಿ ಘಟನೆಗಳು
ನಾನು ಮುದ್ದಿಸಿ, ಮೇಯಿಸಿ ಬೆಳೆಸಿದ ದನಕರುಗಳು
ಖಾಳಜಿ ಮಾಡಿದ ತರುಲತೆಗಳು
ಎಲ್ಲಕ್ಕಿಂತ ಮಿಗಿಲಾಗಿ ನನ್ನ ಪ್ರೀತಿಯ ಮನೆ
ಬೆನ್ನು ಕಚ್ಚಿ ಬಂದ ಅಣ್ಣ, ತಮ್ಮ ಅಕ್ಕ ತಂಗಿಯರು
ಮುದ್ದು ಮಾಡುವ ಅಜ್ಜಿ ತಾತಂದಿರು
ದೀಪದಂತೆ ಅಂಗೈಯಲ್ಲಿಟ್ಟು ಕೊಂಡು ಪೋಷಣೆ ಮಾಡಿದ
ಅಪ್ಪ,ಅಮ್ಮ

ಓಹ್! ನನ್ನ ಚೇತನದ ಚೈತನ್ಯವಾದ
ಈ ದೈವ ತಾಣವನ್ನು
ತೊರೆಯಲಿ ಹೇಗೆ ?
ಮರೆಯಲಿ ಹೇಗೆ ?
*****