ಪ್ರೀತಿಸುವವರ ಕಂಡು
ಮೃಗಗಳಾಗ ಬೇಡಿ|
ಪ್ರೇಮಿಗಳ ಹೃದಯ
ನೋಯಿಸಬೇಡಿ|
ನಿಮಗೂ ಹೃದಯವಿದೆ
ಎಂದು ತಿಳಿದು
ಪ್ರೀತಿಸುತಿರುವೆವು ನಾವು||
ಲೋಕದ ಅಂತರಗಳ ಅರಿಯದೆ
ಪ್ರೀತಿಸುವೆವು ನಾವು|
ಸಮಾನ ಹೃದಯಿಗಳಾದ ನಾವು
ಜಗದ ಅಹಂ ಅಂತಸ್ತುಗಳ ಅರಿಯೆವು|
ನಮ್ಮ ಅಂತರಂಗದಿ ನಾವು
ಒಂದೇ ಸಮಾನ ಮನಸ್ಕರು
ಬಾಹ್ಯ ಪ್ರಪಂಚದ
ಡಾಂಭಿಕತೆ ತೊರೆದು
ಪ್ರೇಮಜೀವನದ ಸಾರ್ಥಕತೆ
ಪಡೆಯ ಹೊರಟಿರುವೆವು||
ಪ್ರೀತಿ ಎಲ್ಲರಿಗೂ
ಒಲಿಯುವುದಿಲ್ಲ!
ಒಲಿದವರಿಗೇಕೆ ಈ ಪ್ರಪಂಚ
ಒಲಿಯ ಬಿಡುವುದಿಲ್ಲ? |
ಪ್ರೀತಿಸುವುದು ಒಂದು ಕಲೆ
ಅದನ್ನು ಎಲ್ಲರೂ ಕಲಿಯಲಾಗಿವುದಿಲ್ಲ
ಪ್ರೀತಿಯ ಎಂದೂ ಕೊಳ್ಳಲಾಗುವುದಿಲ್ಲ|
ಪ್ರೀತಿಯ ಕೇಳಿ ಪಡೆಯಲಾಗುವುದಿಲ್ಲ
ಅದು ತಾನಾಗಿ ಗಂಗೆಯಂತೆ ಉದ್ಬವಿಸಬೇಕು||
*****
