ಊರ ಗಡಿ! ಬಿಡಿ! ತೆಂಕದಾರಿ ಹಿಡಿಯಿರಿ! ಇರ್‍ಇ ಗಿರಿ!
ಅಡಿಯಲಿ! ಬರೆ ಪರಿಮಳ ಕರೆ! ಕರಿ ಗಿರಿ ಅರೆ
-ನಡುವಲಿ ಇರುತಿಹ ಹಿರಿಮರ ಜಾಲಗಿರಿ! ಓಓಓ-
ಓಓಓ! ಜಾಲಗಿರಿ! ವರುಷಕೊಮ್ಮೆ ಪುಷ್ಯದಲ್ಲಿ-
ಚಿಗುರ ಉಡಿಗೆ! ಹೂವು ಮುಡಿಗೆ! ಪಡೆದು ನಗುತಿಹೆ-
ಮಂಜರೀ! ಓಓಓ! ಮಂಜರೀ! ಜಾಲಗಿರೀ ಮಂಜರೀ!
ಕೊತ್ತಳ ಕೋಟೆ! ಬತೇರಿ ಬುರುಜು ತೊಡಿಸಿ ಗಿರಿಗೆ
ನಾಡ ಪೂಜೆ ಮಾಡಿ ನಿಂತ ಹಿರಿ ಅಜ್ಜ ಅಜ್ಜಿ ನೂತು
ನೇದ ಶ್ರೀ ಯ ನೆನಹ ಜೇನು ಹುಟ್ಟಿ ಯಿಟ್ಟ-ರೀತಿ ಸುಧೆ
-ಸುರಿಸಿ ಹರಿಸಿ ಧರೆಯ ದುಃಖ ತೇಲಿತೋಹೋ! ಜಾಲಗಿರಿ!ಓಓಓ-
ಜಾಲಗಿರಿ ಓಓಓ! ಮಂಜರಿ! ದೇವಗಿರೀ ಮಂಜರೀ-
ಜಾಲಗಿರೀ! ಹೂವಝರೀ! ಸಿರಿ ಮಧು ಮೇಳ ಝರೀ!
ರಜತಝರೀ! ಜೋತಿ ಝರೀ! ಮಧುಗಿರಿ ಭುಜದಲಿ-
ಪೂಧೂಳೊಳೊಡಿ ಚಂದ್ರ ಮಧು ಹೀರಿ ದಾರಿ ಮೀರಿ
ಗಂಧಮಧುಗಿರಿ ಶಿರ ಬಿಡದಿರುತಿಹ-ಹೊ ಹೊ ಹೋ!
ಊರಮಡಿಲು ಮುಡಿಯಲೆಲ್ಲ ಅಗೋ ಸಿರಿ ಜಾಲಗಿರಿ!
ಜಾಲಗಿರೀ! ಹೂವ ಝರೀ! ಸಿರಿ ಮಧು ಮೇಳ ಝರೀ!
ಓಓಓ! ಜಾಲಗಿರೀ! ಜಾಲಗಿರೀ
*****
