ಜೀನ್ಗೊಟ್ಟಿ ನನಹೇಂತಿ ಕೈಕಟ್ಟ ಬಾಯ್ಕಟ್ಟ
ತೌರೋರು ಬಂದಾಗ ಹುಂಚಿಪಕ್ಕ
ಒಂದಕ್ಕ ಹತ್ತುಂಡಿ ಬುಟಿತುಂಬ ಹೋಳೀಗಿ
ಕರಿಗಡಬು ಹೆರತುಪ್ಪ ಚೊಕ್ಕಚೊಕ್ಕ ||೧||
ಗಂಡಗ ಚಮಚೆಯ ತುಪ್ಪಾನ ನೀಡಾಕಿ
ಅಣ್ಣಗ ತಂಬೀಗಿ ಸುರುವ್ಯಾಳ
ಮಕ್ಳೀಗೆ ಚಟ್ನೀಯ ಕಿರಿಬೆಳ್ಲೆ ಹಚ್ಚಾಕಿ
ತಮ್ಮಗ ಕೆನಿಮೊಸರು ಹಾಕ್ಯಾಳ ||೨||
ಅರಿಬೀಗಿ ಸಬಕಾರ ಅಂಚಂಚು ಹಚ್ಚಾಕಿ
ತಂಗೀಯ ಲಂಗಾಕ ಠಾಕುಠೀಕ
ಕುಂತಾರ ನನಸೀರಿ ಸವದೀತು ಅನ್ನಾಕಿ
ತವರೋರು ಬಂದಾಗ ಟ್ರಂಕುಪ್ಯಾಕ ||೩||
ನಾಟಕ ಗೀಟಕ ಯಾತಕ ಅನ್ನಾಕಿ
ಕ್ಯಾಬರೆ ಸಿನಿಮಾಕ ಕಳಿಸ್ಯಾಳ
ಕಾಲೀಗಿ ಬಿಸಿನೀರು ಕುಡಿಯಾಕ ಎಳನೀರು
ಹೊಟ್ಟಿ ಝಾಡಿಸುವಂಗ ಉಣಿಸ್ಯಾಳ ||೪||
ಇಷ್ಟ್ಯಾಕ ಅಂದರ ತೌರೋರು ತಂದಾರ
ನಿಮಗ್ಯಾಕ ಹೊಟಿಬ್ಯಾನಿ ಅಂತಾಳ
ಬಿಳಿಜೋಳ ತಂದಾರ ಗೋದೀಯ ಒಟ್ಯಾರ
ನೀವೇನು ಕೊಟ್ಟಿಲ್ಲ ಅಂದಾಳ ||೫||
*****
