ಆರುವ ಮುನ್ನ ದೀಪವು
ಹೊಳೆದಂತೆ ಮಾಡದಿರೆನ್ನ ತಂದೆ ನೀನು|
ಸಮಯವಿರುವಾಗಲೆ
ಸದಾಕಾಲ ಬೆಳಗಿಸೆನ್ನನು ನೀನು||
ಚಿಂತಿಸಿ ನಾನಾ ತರದಲಿ ಜಗದಿ
ಎನನೂ ಮಾಡಲಾಗದ ನನ್ನ
ಭಯವನು ಹೊಡೆದೋಡಿಸು ನೀನು|
ನೀ ದಾರಿದೀಪವಾಗೆನಗೆ ಕೃಪೆಯನು
ತೋರಿ ನನ್ನ ಕತ್ತಲೆ ಓಡಿಸು ನೀನು||
ಬದುಕಲಿ ಬೆರಳೆಣಿಕೆಯಷ್ಟು
ಜನ ಸಾದಕರಲಿ ನನ್ನನು ನೀ ಬೆರೆಸು|
ಕಾರಣ ಹುಡುಕಿ ಸಮಯಕೆ ಕಾಯದಂತೆನ್ನ
ಕಾರ್ಯೋನ್ಮುಖನಾಗಿಸು ನೀನು||
ಕಾಲನ ಧೂತರ ಕೈಯಲಿ ಸಿಕ್ಕಿಸಿ
ಕಳವಳಪಡಿಸದಿರೆನ್ನನು ನೀನು|
ನಾ ದೀನರಿಗೆ ನೆರವಾಗುವಂತೆನ್ನ
ಬಿಡದಲೆ ಬಳಸಿಕೊ ನೀನು|
ಕಬ್ಬಿನಲಿ ಸಿಹಿಯ ಸಂಪೂರ್ಣತೆಯಂತೆ
ಕರ್ಪೂರವು ಸಮರ್ಪಕವಾಗಿ ಬೆಳಗುವಂತೆ
ನನ್ನನು ಪರಿಪೂರ್ಣಗೊಳಿಸು ನೀನು||
*****
