೧
ತಾಯಿ ತಂದೆಯು ಒ೦ದರಲ್ಲಾದ ಪರಶಿವನ
ಪರಮ ಪ್ರಸಾದವುಂಡು
ಸಾಯಗೊಲ್ಲುತ್ತ ಬಂದಿರಿ ನಂದಿಕೇಶ್ವರರೆ
ಜಗದಿ ಕಹಿಯನ್ನು ಕಂಡು!
೨
ಬಸವೇಶ್ವರರೆ ಜಗದಿ ನೆಲಿಸಿರುವ ಹೊಸತನದ
ಕಟ್ಟೆಸಕ ನಿಟ್ಟಿಸುತ್ತ
ಎಸೆದಿರೀ ವಸುಧೆಯಲಿ ಜಗದ ಜನರೊಳು ಜಗದ
ಹೊಸತನವ ಹುಟ್ಟಿಸುತ್ತ!
೩
ಕೈಲಾಗದೀ ಜಗದ ಜನರು ಆರಡಿಗೊಂಡು
ನಿಮ್ಮ ಹಾರೈಸುವಾಗ್ಗೆ
ಕೈಲಾಸವನ್ನೆ ಇಳೆಗಿಳಿಸಿ ಆರಡಿಯಿಟ್ಟು
ಬಂದಿರಾರೈಸಲಾಗ್ಗೆ!
೪
ಚಿಕ್ಕಂದಿನಿಂದ ಅಂಗಕ್ಕೆ ಮೆಚ್ಚಿದವರ್ಗೆ
ಮೀಸಲಿನ ವಚನವುಣಿಸಿ
ಅಕ್ಕರದಿ ಜಗದಂಗವನ್ನು ಶಿವಲಿಂಗದಲಿ
ಇರಿಸಿ ಜಂಗಮವ ತಣಿಸಿ
೫
‘ತಿಳಿವೆ’ ಎಂದಿಳೆಯ ತಿರುಳಲ್ಲಿರುವ ತಿಳಿವನ್ನು
ತಿಳಿದ ನಿಮಗಂಗವೆಲ್ಲಿ!
‘ಉಳಿವೆ’ ಕೂಡಲದಲ್ಲೆ ಎಂದು ಉಳಿದಿರಿ ನೀವು
ಪರಮಾತ್ಮಲಿಂಗದಲ್ಲಿ!
*****
