ಕನ್ನಡ ನಲ್ಬರಹ ತಾಣ
ಮೌನವಾಗಿದೆ ಧರಿತ್ರಿ
ಮೌನವಾಗಿದೆ ದಿಗಂತ
ಮೌನವಾಗಿದೆ ಸಾಗರ;
ಒಂದಾಗಿದೆ ಭೂಮಂಡಲವಾಗಿ.
ಜತೆಯಾಗಿದೆ ಮೌನದಲಿ
ಅಖಂಡವಾದ ನಂಟಿನಲಿ
ನಿರಂತರತ್ವದ ಸಂಕೇತದಲಿ
ಅವಿಚ್ಛಿನ್ನತೆಯ ಭಾವದಲಿ.
ನೆಲವ ಬಿಟ್ಟು ಜಲವಿಲ್ಲ
ಜಲವಬಿಟ್ಟು ಗಗನವಿಲ್ಲ
ಒಂದಕ್ಕೊಂದು ಜತೆಯಾಗಿದೆ
ಗಾಢವಾದ ಮೌನದಲಿ.
ಆ ಮೌನವ ಸೀಳಿ
ಸ್ವಲ್ಪ ನೀನು ಹೇಳು
ಸ್ವಲ್ಪ ನಾನು ಹೇಳುತ್ತೇನೆ
ಸ್ವಲ್ಪ ಅವರು ಹೇಳುತ್ತಾರೆ.
ನಡೆವುದಾಗ ಭಾವ ಸಮ್ಮೇಳನ
ನಮ್ಮ ನೆಲ ನಮ್ಮ ಚರಿತ್ರೆ
ನಮ್ಮ ಸಂಸ್ಕೃತಿ ನಮ್ಮ ಸಾಹಿತ್ಯದ
ಸ್ನೇಹ ಸಮ್ಮೇಳನ.
ಎಲ್ಲವೂ ಒಂದಾದಾಗ
ಅನೇಕತೆಯು ಏಕತೆಯಲ್ಲಿ ಲೀನ!
*****
ರಾಜಗೃಹದ ಬಳಿಯ ಗೃಧ್ರಕೂಟ ಪರ್ವತ. ಪರಮಾತ್ಮನಾದ ಬುದ್ಧದೇವನ ಪವಿತ್ರ ಪಾದಧೂಳಿಯಿಂದ ಪುನೀತವಾದ ಗಿರಿವರದ ನೆತ್ತಿ. ನೆತ್ತಿಯ ನೆಲೆಯಲ್ಲಿ ಎರಡು ಗುಹೆಗಳು. ಅಲ್ಲಿ ಇಬ್ಬರು ಬೌದ್ಧ ಸನ್ಯಾಸಿಗಳು ಧ್ಯಾನಶೀಲಾನುಷ್ಠಾನಾದಿಗಳಿಂದ ನಿರ್‍ವಾಣವನ್ನು ಸಾಧಿಸುತ್ತಿದ್ದರು. ಇಬ್ಬರೂ ಅಕ್ಕ ಪಕ್ಕದ ...
ವ್ಹಾಲೆಂಟಾಯಿನ್ ಡಿಗ್ಬಿಯು ಭೋಜನವನ್ನು ತೀರಿಸಿಕೊಂಡು ‘ಹಾವಾನಾ ಸಿಗರ’ (ತಂಬಾಕದ ಸುರುಳೆ) ಸೇದುತ್ತೆ ತನ್ನ ಆರಾಮ ಕುರ್ಚಿಯಲ್ಲಿ ಯಥಾಸುಖವಾಗಿ ಕುಳಿತು ಏನೇನೋ ವಿಚಾರ ಮಾಡುತ್ತಿದ್ದನು. ಸುಗಂಧಿತವಾದ ಸಿಗರದ ಹೊಗೆಯು ಕಾಮಿನಿಯ ಕೇಶಕಲಾಪದಂತೆ ಸುರುಳೆ ಸುರುಳೆಯಾಗಿ ಅಂತರಿಕ್ಷದಲ್ಲಿ ಗಾಳ...
ಗಂಗಮ್ಮನು ಅವಳೊಂದು ಮುತ್ತಿನಂಥಾ ಹೆಣ್ಣು! ಅವಳ ಗೋಳು, ಸಾಯುವಾಗ ಹೊಂದಿದ ಅವಳ ಸಂಕಟದ ಪರಿ, ಎಲ್ಲಾ ನೆನಿಸಿಕೊಂಡರೆ ಆ ಚಿತ್ರವು ಕಣ್ಣೆದಿರಿಗೆ ಈಗಲೂ ಕಟ್ಟಿ ಬಿಡುವುದು. ನಾನೆಷ್ಟೋ ಸಾರೆ ಅವಳು ಇಲ್ಲದಾಗ ಸಿದ್ಧರಾಮನ ದೆಶೆಯಿಂದ ಅವರ ಮನೆಗೆ ಹೋಗುತ್ತಿದ್ದೆ. ಆಗ ನನ್ನನ್ನವಳು ಕರೆದು ಕೂ...
(ಸುಶೀಲೆಯು ಗಂಡನಿಗೆ ಬರೆದ ಕಾಗದ) ಸಿರಿಪುರ ೮-೯-೧೯೨೬ ಮ|| ರಾ|| ಯವರಲ್ಲಿ ಶೀಲ ಮಾಡುವ ವಿಜ್ಞಾಪನೆಗಳು. . . . . . . . . . ನಿಮ್ಮ ಆಕ್ಷೇಪಣೆಯ ಪತ್ರವನ್ನು ಕಂಡು ಮನಸ್ಸಿಗೆ ಕಿರಿಕಿರಿಯಾದರೂ, ನಿಮ್ಮನ್ನು ನಾನು ಪ್ರೀತಿಸುತ್ತೇನಾಗಿ ಈ ಕಾಗದ ಬರೆಯುತ್ತೇನೆ. ಅಲ್ಲ, ನೀವು ಹೆಸರಿಗೆ...
