ಕಾಡು, ನದಿ, ಬೆಟ್ಟಗಳು
ವಾಸ್ತವದಲ್ಲಿ ಯಾರ ಆಸ್ತಿ?
ಬೆವರಿಳಿಸಿ ದುಡಿವಾಗ
ಹುಟ್ಟಿದ ಉಸ್ಸೆಂಬ
ನಿಟ್ಟುಸಿರಿನ ಶಬ್ದದಲಿ
ನಾನು ಗುರುತಿಸುತ್ತೇನೆ
ಯಾವನು ಗುಲಾಮ
ಯಾರು ಯಜಮಾನ?
ವಿದೇಶಿ ಸರಕುಗಳಿಗೆ
ಮಾರುಕಟ್ಟೆ ಒದಗಿಸಲು
ಬಲಿಯಾದ ನನ್ನವರು
ಅಸಹಾಯಕ ಬಂಧಿಗಳು.
*****
ಬಂಧಿಗಳು
ಬೆಳಗ್ಗಿನ ಜಾವ, ಬೆಟ್ಟದ ಮೇಲಿನ ತನ್ನ ಕುಟೀರದ ವರಾಂಡದಲ್ಲಿ ಮಲಗಿದ್ದ ಮುದುಕನಿಗೆ ಎಚ್ಚರವಾಯಿತು. ಸುಮಾರು ಆರು ಅಂಗುಲ ಉದ್ದದ, ಅಲ್ಲಲ್ಲಿ ಹಳದಿ ಬಣ್ಣಕ್ಕೆ ತಿರುಗಿದ ತನ್ನ ಬಿಳಿ ದಾಡಿಯ ರಾಶಿಯ ಮಧ್ಯೆ ತನ್ನ ಎಡಕೈಯ ಬೆರಳುಗಳನ್ನು ತೂರಿಸಿಕೊಂಡು, ಸಿಕ್ಕು ಬಿಡಿಸುತ್ತಾ ಸೂರನ್ನು ದಿಟ್...