ಲಕ್ಷ್ಮಿಯೇ ನೀನೊಲಿದರೇನೇ
ನಮ್ಮಯ ಬಾಳು ಹಸನವು|
ಲಕ್ಷ್ಮಿಯೇ ನೀ ಒಲಿಯದಿರೆ
ನಮ್ಮಯ ಬಾಳು ಬರೀ ವ್ಯಸನವು||
ಲಕ್ಷ್ಮಿಯೇ ನಿನ್ನ ಕರುಣೆಯಿಂದ
ತಾನೇ ಸಕಲ ಸಂಪದವು|
ಲಕ್ಷ್ಮಿಯೇ ನಿನ್ನ ಆಗಮನದಿಂದ
ಏನೋ ಮನಕಾನಂದವು|
ಲಕ್ಷ್ಮಿಯೇ ನಿನ್ನಾ ದಯೆಯಿಂದ
ಧನ ಧಾನ್ಯ ಸಿರಿ ಸಂತಾನವು|
ಲಕ್ಷ್ಮಿಯೇ ನಿನ್ನ ಅಭಯದಿಂದ
ತಾನೇ ನಮ್ಮಯ ಆರೋಗ್ಯಭಾಗ್ಯವು||
ಲಕ್ಷ್ಮಿಯೇ ನಿನಗಾಗೆ ಕೆಂದಾವರೆ
ಹೂ ಮಾಲೆಯ ತಂದಿರುವೆನು|
ಲಕ್ಷ್ಮಿಯೇ ನಿನ್ನ ಮೆಚ್ಚಿಸೆ
ಮಲ್ಲಿಗೆಯ ಮಂಟಪವಕಟ್ಟಿರುವೆನು|
ನಿನ್ನ ನೈವೇದ್ಯಕೆ ತರ ತರದ
ಫಲಹಾರವನು ಮಾಡಿರುವೆನು|
ಶ್ರೀಹರಿ ಸಮೇತ ನೀಬಂದು
ದಯತೋರಿ ನಮ್ಮಲ್ಲಿ
ಇದನ್ನೆಲ್ಲ ಸ್ವೀಕರಿಸಿ ಹರಸೆಮ್ಮನು||
*****
