ಕ್ಷಮಿಸು ನೀನು

ಕ್ಷಮಿಸು ನೀನು
ಇನ್ನೆಂದೂ ನಾನು
ಕುಡಿಯುವುದಿಲ್ಲ|
ಕ್ಷಮಿಸು ನೀನು
ಮದುವೆಗೆ ಮುನ್ನ
ಯಾವ ಚಟವಿಲ್ಲವೆಂದು
ಸುಳ್ಳುಹೇಳಿ ಮದುವೆಯಾದೆ ನಿನ್ನ||

ನಿನ್ನ ಪ್ರೀತಿ ಮಮತೆಗಿಂತ
ಹಿರಿದಲ್ಲ ಈ ಚಟ
ನಿನ್ನ ಸನಿಹವಿರುವುದಕಿಂತ
ಸುಖವೇನಿಲ್ಲ ಈ ಚಟ|
ನಿನ್ನ ಪೇಮದಮಲಿಗಿಂತ
ಮಜವೇನಿಲ್ಲ|
ಸಹವಾಸ ದೋಷ
ಆ ಒಂಟಿತನ ಜೊತೆಗೂಡಿ
ಸೆಳೆಯಿತೆನ್ನ ಸೆರೆಗೆ ಆಗ||

ನಮಗೆ ಹುಟ್ಟಲಿರುವ
ಮಗುವ ಮೇಲಾಣೆ
ನಾನ್ನಿನ್ನೆಂದೂ ಕುಡಿಯುವುದಿಲ್ಲ|
ದಿನಾ ಸಂಜೆ ನಾ ಬರುವಾಗ
ನಿನಗೆ ತರುವೆ ಮಲ್ಲಿಗೆ|
ಪ್ರೀತಿ ಮಮತೆಯಿಂದಲಿ
ನಿನ್ನಾರೈಕೆ ಮಾಡಿ|
ತಿಂಗಳು ತುಂಬಿದ ಬಳಿಕ
ಚೊಚ್ಚಲ ಹೆರಿಗೆಗೆ
ನಾನೇ ಗಾಡಿ ಹೂಡಿ
ತೌರಿಗೆ ಕಳುಹಿಸಲು ಬರುವೆ||
*****