ಬೃಹತ್ ಕಟ್ಟಡದಲ್ಲಿ ವಾಸಿಸುವ ಆ ಕುಟುಂಬದ ಮನುಷ್ಯನೊಬ್ಬ
ಪ್ರತಿದಿನ ಬೆಳಿಗ್ಗೆ ಶೇವಿಂಗ್ ಮಾಡಿಸಿಕೊಳ್ಳಲು ಬರುತ್ತಿದ್ದ.
ವಾಪಸ್ಸು ಹೋಗುವಾಗ ರಕ್ತ ಸುರಿಸಿಕೊಂಡೇ ಹೋಗುತ್ತಿದ್ದ.
ಹಾಗೆ ಹೋಗುತ್ತಿದ್ದವನು, ಒಂದು ಪೆಗ್ ವಿಸ್ಕಿ ಏರಿಸದೇ ಹೋಗುತ್ತಿರಲಿಲ್ಲ.
ಗ್ಲಾಸಿನಿಂದ ಒಂದು ತೊಟ್ಟು ಹೊರಗೆ ಸುರಿಸಿದನೆಂಬ ಕಾರಣಕ್ಕಾಗಿ
ಬಾರ್ ಕ್ಯಾಷಿಯರ್ ಮೇಲೆ ಜಗಳ ತೆಗೆದು,
ಮುಸುಡಿ ಗುದ್ದಿಸಿಕೊಂಡು ಅಳುತ್ತಾ ನಡೆದುಹೋಗುತ್ತಿದ್ದ.
ಆ ಓಣಿಯ ಬಟ್ಟೆ ಒಗೆಯುವ ಮಂದಿ ಇವನನ್ನು ಮಾತನಾಡಿಸುತ್ತಿರಲಿಲ್ಲ.
ಏಕೆಂದರೆ ಅವರಿಗೆ ಇವನ ಪರಿಚಯವಿರಲಿಲ್ಲ.
ಆದರೆ, ಇದೇ ವೃದ್ಧ ವಯಸ್ಸಾಗಿ ನೋಡುವವರಿಲ್ಲದೆ ತೀರಿಹೋದಾಗ
ಮೇಲಿನ ಎಲ್ಲರೂ ಸಾವಿಗೆ ಬಂದಿದ್ದರು.
ಅವನನ್ನು ಪ್ರೀತಿ ಮಾಡುತ್ತಿದ್ದ ಅವರಲ್ಲಿ ಯಾರೊಬ್ಬರೂ ಕಾಣಿಸಿಕೊಂಡಿಲ್ಲ;
ಮುನಿಸಿಪಾಲಿಟಿ ಆರೋಗ್ಯಾಧಿಕಾರಿಯೊಬ್ಬ
ಆವೊತ್ತು ವಿಶೇಷವಾಗಿ ನಗುತ್ತಾ ಓಡಾಡುತ್ತಿದ್ದ.
*****
