Home / ಕವನ / ಕವಿತೆ / ಎನಿತು ಸುಂದರ

ಎನಿತು ಸುಂದರ

೧
ಕಣ್ಣಿನಲ್ಲಿ ಕಣ್ಣು ಬೆರೆಯೆ
ಹಣ್ಣಿನಲ್ಲಿ ಜೇನು ಸುರಿಯೆ
ಬಣ್ಣದಲ್ಲಿ ಭಾವ ಬಿರಿಯ –
ಲೆನಿತು ಸುಂದರ?
ತುಂಬಿ ಬಂದ ಹೃದಯ ನುಡಿಯ-
ಲೆನಿತು-ಬಂಧುರ?

೨
ಅರಳಿದಲರು ನಗೆಸೂಸಿರೆ
ತಿರೆಯ ಸೊಗಸು ತೂಗುತಲಿರೆ
ಕರುಳದನಿಯು ಕರೆಯುತಲಿರೆ-
ಲೆನಿತು ಸುಂದರ?
ಜೀವ ಹಾವ ಭಾವ ಮಾಡ –
ಲೆನಿತು ಬಂಧುರ?

೩
ನಗೆ ಬಾಳಿನ ದಿವ್ಯ ದೀಪ
ಸೊಗಕೆ ಪ್ರೀತಿ- ಸಲಿಲ ಕೂಪ
ಬಗೆಗೆ ಭಾಗ್ಯ ಪುರುಷ ರೂಪ
ವೆನಿತು ಸುಂದರ?
ಅಂತರಂಗದಳತೆ ತಿಳಿಯ-
ಲೆನಿತು ಬಂಧುರ?

೪
ಒಲಿದ ಹೆಣ್ಣು ತಾನೆ ಬರಲು
ಲಲಿತ ಕವನ ಕೊನ ರೊಡೆಯಲು
ನೆಲಸಲು ಸಿರಿ ಹಾತೊರೆಯಲು
ಎನಿತು ಸುಂದರ?
ಹಕ್ಕಿಯಂತೆ ಹಾಡೆ ಕವಿಯು
ಎನಿತು ಬಂಧುರ?

೫
ಸಂಗೀತದ ಭೃಂಗಮೊರೆಯೆ
ಬಂಗಾರದ ಬಳ್ಳಿ ತೊನೆಯೆ
ಸಿಂಗಾರದ ಶಿಲ್ಪಿನಲಿಯ
ಲೆರಿತು ಸುಂದರ?
ಬಿಸವನಮರ್ದುಗೈವ ಲೀಲೆ
ಎನಿತು ಬಂಧುರ?

೬
ಚೆಲುವು ಪೂರ್ಣಚಂದ್ರನಂತೆ
ಗೆಲುವು ಮಹಾ ಯೋಗಿಯಂತೆ
ಒಲವು ವಂದ್ಯೆ ಗಂಗೆಯಂತೆ
ಇರಲು ಸುಂದರ!
ಆಸೆ ಸೂಸಿ ಹರಿಯುತಿರಲು
ಎನಿತು ಬಂಧುರ?

೭
ಜ್ಞಾನ ಪ್ರಭಾ ದೀಪ್ತಿ ಬೆಳಗೆ
ಮೌನ ಮಂತ್ರ ಮನದಿ ತೊಳಗೆ
ಭಾನು ಕೀರ್ತಿಯಾಗಿ ಮಿನುಗ-
ಲೆನಿತು ಸುಂದರ?
ತಿಳಿವಿನ ಜಲ ಜೀವ ತಳೆಯ
ಲೆಳಿತು ಬಂಧುರ?
* * *
ಬಂದುರತೆಯೆ ಸುಮಧುರ
ಸುಮಧುರತೆಯೆ ಬಂಧುರ!
*****
ಬೆಂಗಳೂರು : ೧೯೪೩

Tagged:

Leave a Reply

Your email address will not be published. Required fields are marked *

ಒಂದೇ ರೂಮಿನಲ್ಲಿದ್ದರೂ ಅವನನ್ನು ನನ್ನ ಸ್ನೇಹಿತ ಎಂದು ಮನಸ್ಸು ಒಪ್ಪಿಕೊಂಡಿರಲಿಲ್ಲ. ರಾತ್ರಿ ನಿದ್ದೆಗಾಗಿ ಮಾತ್ರ ಅವನಿಗದೊಂದು ರೂಮು. ಊಟತಿಂಡಿ ಎಲ್ಲಾ ಹೋಟೆಲ್ಲು. ನಾನು ಸಂಜೆ ಏಳಕ್ಕೆ ರೂಮಿಗೆ ಬಂದರೆ ಅವನು ಹತ್ತಕ್ಕೆ ಬರುತ್ತಿದ್ದ. ಬೆಳಿಗ್ಗೆ ಅವನು ಹತ್ತಕ್ಕೆ ಹೊರಟರೆ ನಾನು ಒಂದ...

ಚಾಮುಂಡಿ, ದುರ್ಗಿ, ಕಾಳಿ, ಶಂಕರಿ, ಮಾರಿ ಮೊದಲಾದ ದೇವಿಗಳಿಗೂ : ಆಂಜನೇಯ, ವಲ್ಲಭರಾಯ, ನರಸಿಂಹ ಮೊದಲಾದ ದೇವರುಗಳಿಗೂ ನಮ್ಮೂರಲ್ಲಿ ಏನೂ ಕೊರತೆಯಿಲ್ಲ. ಇಲ್ಲೊಂದು ಶಂಕರಿ ದೇವಾಲಯ ಬಹುಕಾಲದಿಂದಲೂ ಇದೆ. ಅದನ್ನು ಕಟ್ಟಿಸಿದವರು ಯಾರೆಂಬುದೇ ಗೊತ್ತಿಲ್ಲ. ಪ್ರತಿ ಶನಿವಾರ ಅಭಿಷೇಕ, ಶುಕ್ರ...

ರಾಜ ನಿಮಗೆ ಗೊತ್ತೆ? ಇಲ್ಲ? ಆತ ನನ್ನ ಸ್ನೇಹಿತ, ಆಪ್ತ ಸ್ನೇಹಿತ. ಅವನಿಗೂ ಕತೆ ಬರೆಯುವ ಹುಚ್ಚಿದೆ. ಆದರೆ ಬರೆದು ಸಂಪಾದಿಸಿ ಬದುಕುವ ಹಟವಿಲ್ಲ. ಹಾಗೆಂದೇ, ತಕ್ಕಮಟ್ಟಿಗೆ ಸಂಪಾದನೆ ಇರುವ ಬೇರೆ ಉದ್ಯೋಗದಲ್ಲಿದ್ದಾನೆ! ರಾಜ ಬರೆದಿರುವ ಒಂದು ಕಥೆ ನನ್ನಲ್ಲಿದೆ. ಓದಿ ನೋಡುತ್ತೀರಾ? ನಿಮ...

ಅಂದು ನಾನು, ನಮ್ಮ ತಾತ, ನನ್ನ ತಂಗಿ ಎಲ್ಲರೂ ಕಣದಲ್ಲಿ ಕುಳಿತುಕೊಂಡು ಹರಟೆ ಹೊಡೆಯುತ್ತಿದ್ದೆವು. ಸುಗ್ಗಿಯ ಕಾಲವಾದ್ದರಿಂದ ರೈತರು ಮತ್ತು ಆಳುಗಳು ಕಣದಲ್ಲಿ ಕೆಲಸ ಮಾಡುತ್ತಿದ್ದರು. ನಮ್ಮ ತಾತನು ಆ ಮಾತು ಈ ಮಾತು ಆಡುತ್ತಿದ್ದರೂ, ಆತನ ಒಂದು ಕಣ್ಣು ಮಾತ್ರ ಕೆಲಸಗಾರರ ಮೇಲೆಯೇ ಇರುತ್...

ರಾಜಗೃಹದ ಬಳಿಯ ಗೃಧ್ರಕೂಟ ಪರ್ವತ. ಪರಮಾತ್ಮನಾದ ಬುದ್ಧದೇವನ ಪವಿತ್ರ ಪಾದಧೂಳಿಯಿಂದ ಪುನೀತವಾದ ಗಿರಿವರದ ನೆತ್ತಿ. ನೆತ್ತಿಯ ನೆಲೆಯಲ್ಲಿ ಎರಡು ಗುಹೆಗಳು. ಅಲ್ಲಿ ಇಬ್ಬರು ಬೌದ್ಧ ಸನ್ಯಾಸಿಗಳು ಧ್ಯಾನಶೀಲಾನುಷ್ಠಾನಾದಿಗಳಿಂದ ನಿರ್‍ವಾಣವನ್ನು ಸಾಧಿಸುತ್ತಿದ್ದರು. ಇಬ್ಬರೂ ಅಕ್ಕ ಪಕ್ಕದ ...

ವ್ಹಾಲೆಂಟಾಯಿನ್ ಡಿಗ್ಬಿಯು ಭೋಜನವನ್ನು ತೀರಿಸಿಕೊಂಡು ‘ಹಾವಾನಾ ಸಿಗರ’ (ತಂಬಾಕದ ಸುರುಳೆ) ಸೇದುತ್ತೆ ತನ್ನ ಆರಾಮ ಕುರ್ಚಿಯಲ್ಲಿ ಯಥಾಸುಖವಾಗಿ ಕುಳಿತು ಏನೇನೋ ವಿಚಾರ ಮಾಡುತ್ತಿದ್ದನು. ಸುಗಂಧಿತವಾದ ಸಿಗರದ ಹೊಗೆಯು ಕಾಮಿನಿಯ ಕೇಶಕಲಾಪದಂತೆ ಸುರುಳೆ ಸುರುಳೆಯಾಗಿ ಅಂತರಿಕ್ಷದಲ್ಲಿ ಗಾಳ...