ಕನ್ನಡ ನಲ್ಬರಹ ತಾಣ
ಹುಟ್ಟಿತು
ಕವನ ಹುಟ್ಟಿತೂ
ಕವನ ಹುಟ್ಟಿತೂ ಕೇಳಾ
ಎಲ್ಲಿಂದಲೋ ಹೇಗೋ ಏನೋ
ಹಾರಿಬಂದ ಕನಸಿನ ಬೊಟ್ಟು
ಮೈಯೊಳಗೆ ನೆಟ್ಟು
ನೆತ್ತಿಯಿಂದ ಹೆಬ್ಬೆರಳ
ತುದಿಯೊರೆಗೂ
ಬಯಕೆ ಬಾಯ್ತೆರೆದಾ ಬಸುರು.
ದಿನದಿನಕು ಕಣ್ಮೂಗು ಮೂಡಿ
ಮೈಕೈ ತುಂಬಿ ಹಾಡಿ
ಒಳಗೇ ಬಲಿಯುತಾ
ಕನಸಿನ ಜೀವಭಾವ
ದಿನತುಂಬಿ ಬಂದು
ಏನೋ ನೋವು ಎದೆಯಲ್ಲಿ ನಿಂದು
ಎಂದು ಬರುವುದೋ
ಎಂತು ಬರುವುದೋ
ಬಾರದೇ ಉಳಿವುದೋ
ಯಾವ ರೂಪವೋ
ಹಂಬಲಿಸಿ ಕಾದುಕೂತ
ಕಸೂತಿ ಕನಸವಸ್ತ್ರ
ಕಾಯುವಿಕೆಯ ಅನಂತತೆಯಲ್ಲೇ
ಅಮೂರ್ತ ಕನಸು ಪಕ್ವಗೊಂಡು
ಮೂರ್ತ ಶರೀರದ ಕೈಹಿಡಿದು
ಹೊರಬಿದ್ದ ಗಳಿಗೆ ಕನಸು ನನಸಾಯಿತು
ಹನಿಯು ಸಾಗರವಾಯಿತು
ಭಾವವೊಂದು ಕವನವಾಯಿತು
*****
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
ಈ ಮಾಹಾತ್ಮ್ಯೆ ಯಾವ ಪುರಾಣದಲ್ಲಿದೆ? ಎಲ್ಲಿ ಯಾರು ಹೇಳಿದ್ದು? ಯಾರು ಕೇಳಿದ್ದು? ಯಾವ ಇಷ್ಟಾರ್ಥಸಿದ್ದಿಗಾಗಿ? ಎಂದೆಲ್ಲ ಪ್ರಶ್ನೆಗಳನ್ನು ನೀವು ಕೇಳಬಹುದು. ಉತ್ತರ ಹೇಳುತ್ತಾ ಹೋದರೆ ಪೀಠಿಕಾ ಪ್ರಕರಣವೇ ಉದ್ದ ಬೆಳೆದು ಮಹಾತ್ಮ್ಯೆಯನ್ನು ಕೇಳುವಷ್ಟರಲ್ಲಿ ನಿಮಗೆ ಹಾಕಳಿಗೆ ತೊಡಗಿ ತೂಕಡ...
