ಸುಖವೆಲ್ಲಿ!

ಸಾಗರದ ಅಲೆ ಅಲೆಗಳೆಲ್ಲ
ನಿನ್ನ ನಿನಾದವೆ ನುಡಿಸುತ್ತಿವೆ
ಕೋಗಿಲೆ ತನ್ನ ಕೊರಳಿನ ದನಿಯಲಿ
ನಿನ್ನ ರೂಪಗಳ ಗುನಿಗುನಿಸುತ್ತಿವೆ

ತಾರೆಗಳೆಲ್ಲ ಕೃಷ್ಣ ಚವತ್ತಿಗೆ
ಚಂದ್ರನ ಕಾಣಲು ಪರಿತಪಿಸುವಂತೆ
ಲೋಕದ ಜನರ ಮಧ್ಯನಾನು
ನಿನ್ನ ದರುಶನಕ್ಕಾಗಿ ನಾ ನಿತ್ಯ

ನೀಲಿಗಗನದಲಿ ಮೋಡಗಳು
ಕಪ್ಪಾಗಿ ಅಬ್ಬರಿಸುವ ತೇರ
ನನ್ನ ಆತ್ಮದ ಪರಿಛಾಯೆಯಲಿ
ಅವಗುಣಮನ ಕಾಡುತ್ತಿದೆ ಒಳಹೊರ

ನಿನ್ನ ಕೃಪೆ ಇರದೆ ನಾನು
ಒಂದು ಹೆಜ್ಜೆಯ ಮುಂದಿಡಲಾರೆ
ನೀನು ದಾರಿ ತೋರದೆ ನಾನು
ನಿನ್ನ ಪ್ರಾಪ್ತಿಗೆ ದುಡಿಯಲಾರೆ

ಅಂಧಕಾರದಲ್ಲಿರುವ ಮನೆಯಲಿ
ಜ್ಯೋತಿ ಇರದೆ ಶೋಭೆ ಎಲ್ಲಿ
ನಿನ್ನ ನಾಮ ಪಠಿಸಿದ ತನುವು
ಮಾಣಿಕ್ಯ ವಿಠಲನೆಯದೆ ಸುಖವೆಲ್ಲಿ!
*****