ಕನ್ನಡ ನಲ್ಬರಹ ತಾಣ
ಹಿಂದೆ-
ನಿನ್ನ ಅಂಗಅಂಗಗಳ ಅಂದವ
ಆರಾಧಿಸುತ್ತಾ ಶೋಷಿಸಿದರು;
ನಿನ್ನ ಪೂಜಿಸುತ್ತಾ ಶೋಷಿಸಿದರು.
ಗೋಡೆ ಮೇಲಿನ ಚಿತ್ರವಾಗಿಸಿದರು
ಮನೆಯೊಳಗಿನ ಗೃಹಲಕ್ಷ್ಮಿಯಾಗಿಸಿದರು.
ಇಂದು-
ನಿನ್ನ ಉಬ್ಬುತಗ್ಗುಗಳ
ಅಳೆಯುತ್ತಾ ಶೋಷಿಸುತ್ತಿದ್ದಾರೆ.
ನಿನ್ನ ದೇಹದ ಬಳಕುವಿಕೆಯ
ಸೆರೆಹಿಡಿಯುತ್ತಾ ಶೋಷಿಸುತ್ತಿದ್ದಾರೆ.
ಅವರು ಹೇಳಿದಂತೆ
ನೀನು ನಿನ್ನಂಗ ಪ್ರದರ್ಶನಗಳಿಗೆ
ಬೆತ್ತಲಾಗುತ್ತಾ ಬಂದುದೇ
ನಿನ್ನ ಶೋಷಣೆಗೆ ಕಾರಣವೆಂದು
ನೀನೇಕೆ ತಿಳಿಯದಾದೆ?
ನೀನು ಪ್ರದರ್ಶನದ ವಸ್ತುವಾದೆ,
ಕರತಾಡನಗಳ ಶಬ್ದಗಳಲ್ಲಿ ಮೈಮರೆತೆ
ಶೋಷಣೆಗೊಳಗಾಗುವುದರಲ್ಲೆ
ನೀ ತೃಪ್ತಳಾದೆ-
ಇದು ನಿನಗೆ ನೀನೇ ಹಾಕಿಕೊಂಡ
ಉರುಳಲ್ಲವೇನು?
*****
ಸರಲಾಕ್ಷ ಹುಲಿಮೀಸೆಯು ಮನೆಯಲ್ಲಿ ಬಂದಿರಲಾರಂಭಿಸಿದಂದಿನಿಂದ ತಾನು ತೊಂದರೆಗೊಂಡು ಬೇಸತ್ತು ಹೋಗಿರುವೆನೆಂದು ವಸತಿಗೃಹದ ಸ್ವಾಮಿನಿಯಾದ ಲೀಲಾಬಾಯಿಯು ದೂರಿಕೊಳ್ಳುತ್ತಿದ್ದಳು. “ಕೆಟ್ಟ ಮೋರೆಯವರೂ ಅಸಭ್ಯರೂ ಸುಟ್ಟಮನೆಯವರೂ ಸುಡದ ಮನೆಯವರೂ ತೆರವಿಲ್ಲದೆ ನನ್ನ ಮನೆಗೆ ಬರುತ್ತಿರುವ...
ಸರ್, ಗುಡ್ ಮಾರ್ನಿಂಗ್, ಮೇ ಐ ಕಮೀನ್ ಸರ್ – ನಿತ್ಯ ಆಫೀಸಿನ ಅವಧಿ ಪ್ರಾರಂಭವಾಗುತ್ತಲೇ ಹಿಂದಿನ ದಿನ ರೆಡಿ ಮಾಡಿದ ಹತ್ತಾರು ಕಾಗದ ಪತ್ರಗಳಿಗೆ ಸಹಿ ಪಡೆಯಲು, ಇಲ್ಲವೇ ಹಿಂದಿನ ದಿನದ ಎಲ್ಲ ಫೈಲುಗಳ ಚೆಕ್ ಮಾಡಿಸಲು, ಕೈಯಲ್ಲಿ ಫೈಲುಗಳ ಕಟ್ಟು ಹಿಡಿದು ಬಾಗಿಲ ಮರೆಯಲ್ಲಿ ನಿಂತು ...
ಕೋತಿಯಿಂದ ನಿಮಗಿನ್ನೆಂಥಾ ಭಾಗ್ಯ! ನೀವು ಹೇಳುವ ಮಾತು ಸರಿ! ಬಿಡಿ! ತುಂಗಮ್ಮನವರೆ. ಇದೇನೆಂತ ಹೇಳುವಿರಿ! ಯಾರಾದರೂ ನಂಬುವ ಮಾತೇನರೀ! ಕೊತೀಂತೀರಿ. ಬಹುಲಕ್ಷಣವಾಗಿತ್ತಿರಿ ಎಂತೀರಿ? ಅದು ಹೇಗೋ ಎನೋ, ನಾನಂತೂ ನಂಬಲಾರನರೀ!” “ಹೀಗೆಂತ ನೆರ ಮನೆ ಪುಟ್ಟಮ್ಮನವರು ಹೇಳಿದರು....
ಕೀಲಿಕರಣ: ಕಿಶೋರ್ ಚಂದ್ರ
