ಆ ನಾನು ಈ ನಾನು

ಆ ನಾನು ಈ ನಾನು ತಾ ನಾನು ನಾ
ತಿರೆಯೊಳಗಣ ಬೀಜ ಬಿತೈತೆ
ಹೊರಗಣ ನೀರ ಹಾಸೈತೆ
ಮನುಜ.. ಹಾರೈಕೆ ನಿನಗೆ
ಹಾರೈಕೆ ನಿನಗೆ..||

ಆನು ಎಂದರೆ ತಾನಾನುನಾ
ಬಾಳು ಎಂದರೆ ನಾನಾನುನಾ
ಎರಡರ ಹಾದಿ ಒಂದೇ…
ಭೇದವಿಲ್ಲವೆಂಬಂತೆ ಹಾರೈಕೆ
ನಿನಗೆ ಹಾರೈಕೆ ||

ಇಲ್ಲದು ಬೇಡದ್ದು ತಾ ನಾನು ನಾ
ಬೇಡಿದ್ದು ಇದ್ದದ್ದು ನಾನಾನು ನಾ
ಒಂದೇ ಹಿಡಿಯಲಿ ನಾವೇ ನಾವು
ಕೆಳೆಯ ಭಾವ ಸೂರೆಯಲಿ
ಹಾರೈಕೆ ನಿನಗೆ ||

ನೊಂದವರ ಹಾಡು ಬೆಂದವರ ಹಾಡು
ಇಳೆಯ ಸ್ವರ್ಗದ ಹಾಡು
ಅವರವರ ಪಾಡಿದು ಅವರಿಗೊಲಿದಾ
ಬದುಕು ಭಾವೈಕ್ಯದಾ ಹಾಡು
ಕೇಳೇಳೊ ಮನವೆ ಹಾರೈಕೆ ನಿನಗೆ
ಹಾರೈಕೆ ನಿನಗೆ… ||
*****